Nisə Bəyim. “Çərxi-Fələk”. Roman. Tanınmış yazıçı, şair-publisist, pedaqoq Nisə Bəyimin yeni romanında da çağdaşların çox mürəkkəb həyatı ustalıqla qələmə alınıb: müəllif zəmanənin əsas suallarına cavabları oxucularıyla axtarmağa çalışır.
Binnət Eloğlu. "Elin səadəti, ümidi". Kitabda Vətənini, millətini canından artıq sevən, elin dərdini, həsrətini öz dərdi, həsrəti, səadətini, ümidini öz səadəti, ümidi sayan şairin ayrı-ayrı vaxtlarda yazdığı, satirik və lirik şeirlərinin, poemalarının az bir hissəsi çap olunmuşdur. Ümid edirik ki, növbəti kitabları bundan da uğurlu olacaq.
Məsiağa Məhəmmədi. "Şəhriyar və zəmanəmiz". Kitaba tanınmış şərqşünas və tərcüməçi Məsiağa Məhəmmədinin dahi söz ustadı Məhəmmədhüseyn Şəhriyar (1906-1988) yaradıcılığına dair müxtəlif illərdə yazılmış məqalələri, eləcə də şairin Mövlana Cəlaləddin Rumiyə (1207-1273) həsr edilmiş iri həcmli şeirinin fars dilindən filoloji tərcüməsi daxil edilmişdir. Kitab şərqşünas və ədəbiyyatşünaslara, eləcə də Şəhriyar poeziyası ilə maraqlanan geniş oxucu kütləsinə ünvanlanır.
Pərvanə Məmmədli. "Cənubi Azərbaycan ədəbiyyatı məsələləri". II hissə. Kitabda filologiya üzrə fəlsəfə doktoru Pərvanə Məmmədlinin Cənubi Azərbaycan ədəbiyyatı probleminə həsr olunmuş məqalə, müsahibə, elmi çalışmaları, eyni zamanda araşdırmaları ilə bağlı yazılmış fikirlər toplanıb. Yazıların bir hissəsi yazılı KİV-də çap olunub, yayılmış, bir hissəsi isi ilk dəfə nəşr edilir.
Binnət Eloğlu. "Elin dərdi, həsrəti". (Şeirlər və poemalar). Tovuz ədəbi məktəbinin nümayəndəsinin ilk e-kitabı. 15 yaşından şeirin bütün formalarında lirik və satirik şeirlər və poemalar yazır.
"Səs... Söz... Rəng...". Toplu. (Ədəbiyyat, musiqi, təsviri sənət və gənclik...). Kitab Azərbaycan Respublikasının Prezidenti yanında Gənclər Fondunun maliyyələşdirdiyi layihə çərçivəsində işıq üzü görüb.
"Mahabbarata". "Bhagavad Gita". Azərbaycanca. "Bhagavad Gita" dünyanın ən böyük eposu sayılan, Qədim Şərq - Hindistan dastanı "Mahabbarata"nın on səkkiz bölümündən biri, həm də bu unikal mədəniyyət-ruhi əsərin əsas kitabı sayılır.
Orxan Bahadırsoy. "Soyun, gözəlim". Bu pyes Orxan Bahadırsoy tərəfindən yazılmış ikihissəli komediyadır. Pyesdə fərqlilik iddiasına düşən rejissorun kamera önündə soyunmağa aktrisa axtarmasından bəhs olunur.
Dəyanət Osmanlı. "Nəfəsimin qatili". Poetik toplu. Kitaba istedadlı şair D.Osmanlının müxtəlif illərdə qələmə aldığı poetik nümunələrdən seçmələr daxil edilib.
Amid Əlioğlu. "İntihar edənlərin qatili". Roman. Bu əsərində gənc nasir oxucunun marağı, bir az da irəli gedib belə demək mümkünsə, psixo-art əhvalıyla qəribə - magik üslubu, axıcı - rəvan dili, mətndaxili gedişatla, real həyatın dibindən gələn mistik hadisələrlə heyrətləndirməyi bacarıb. Ayrı-ayrı fəsillərə bölünən, eyni qəhrəmanın müxtəlif situasiyalarda başına gələnlər fonunda oxucularına son illərin real və bir qədər də i-real görünən hadisələrini nəql edən müəllif daha çox cəmiyyət ilə fərd arasındakı əzəli münaqişələrə diqqəti yönəltməyə çalışır.
Camal Zeynaloğlu. "Xəyalındakı ağ yaylıqlar" (Ədəbi-publisitik kitab). Bu kitab C.Zeynaloğlunun "Yaxşı insanlar sorağında" ədəbi silsiləsindən üçüncü, oxucularıyla isə on yeddinci görüşüdür. Kitab tanınmış jurnalist, istedadlı yazıçı-publisist, şair və ziyalı, Prezident təqaüdçüsü Böyükxan Bağırlının həyat fəaliyyəti və ədəbi yaradıcılığına həsr olunur. Kitabda B.Bağırlının indiyə kimi heç yerdə dərc olunmayan "Sübh yuxusu" adlı yeni bir hekayəsi də verilmişdir.
Şəlalə Həsənova. "Mühacirət irsimizin "Yurd Bilgisi" (Təkrar və əlavələr olunmuş nəşr). Kitabda Azərbaycan mühacir ədəbiyyatşünaslığının problemləri, inkişaf yolları və milli-mənəvi fikir xəzinəsinə verdiyi töhfələr müəyyənləşdirilmişdir.
