Kitab ölümündən sonra “Vətən Müharibəsi Qəhrəmanı” adına layiq görülmüş, Azərbaycanda yaşayan xalqların nümayəndələrindən ibarət hərbiçilərin kapitanı İsmayıl Məhəmməd oğlu Səmədovun şərəfli ömür yolundan, hərbi xidməti və müharibə dövründə göstərdiyi igidliklərindən söhbət açılır.
Toplu Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Qayğı və Himayə” Xeyriyyə Fondu tərəfindən reallaşdırılan “Zəfər” salnaməsi: qəhrəmanlığın ədəbi-kreativ tarixi” adlı ikiaylıq layihəsi çərçivəsində nəşr olunub.
Sənədli-ensiklopedik kitabda qədim yurd yerimiz - Laçın rayonundan olan qəhrəmanlar, qazilər, şəhidlər, eləcə də bu qədim məkanın tarixi, görməli yerləri, abidələri, coğrafiyası, eləcə də I və II Qarabağ müharibsində göstərilən qəhrəmanlıqlar haqqında müxtəsər materiallar yer alıb.
İstedadlı şairə, məhsuldar nasirin “Zərbə” romanı 2016-ci il Aprel döyüşlərinin qəhrəmanlarına həsr edilib. Müəllifin xüsusi istedadla qələmə aldığı, bu roman bəy nəslinin tarixi- psixoloji məqamlarınıdan, kişilik, mərdlik dünyasından bəhs edirdisə, “Zərbə” romanı tamamilə yeni bir aspektdə inkişaf edir, müasir dövrümüzün ən böyük problemi olan Qarabağ hadisələrinin fəlsəfəsini önə çəkir.
İradə Əlili, Vüqar Şahinoğlunun bu müştərək kitabında Prezident İlham Əliyevin apardığı uğurlu siyasət, Müzəffər ordumuzun şücaəti, cəsarəti sayəsində torpaqlarımız işğaldan azad olunması, 44 günlük mücadiləmiz qələbə ilə nəticələnməsi, Qalibiyyətimizin sevinci tərənnüm olunub. İki dildə - azərbaycanca və ingiliscə.
Zaur Ustac "Gülüzənin şeirləri". Azərbaycan Respublikası Təhsil Nazirliyi tərəfindən tərtib olunmuş "Məktəbə hazırlaşırıq" adlı metodik vəsaitə (I və II hissələr üzrə - Bakı - 2019) daxil olunmuş şeirlərdən ibarət Zaur Ustacın "Gülüzənin şeirləri" ("Gülünün şeirləri", "Güllünün şeirləri") kitabı yazıçı-jurnalist, tədqiqatçı Ayətxan Ziyadın redaktəsi və tərtibatında yeni təkmilləşdirilmiş təkrar nəşrinin (Bakı - 2021, son nəşr) elektron variantı.
Zaur Ustac. "Qələndər". Məhsuldar imza sahibi - istedadlı qələm adamı Qələndər Xaçınçaylı haqqında publisitik-kütləvi elektron-kitab. Bu kitab ustac.az və yazarlar.az saytlarının birgə həyata keçirdikyi tədbirlər çərçivəsində koronavirus səbəbi ilə dünyasını dəyişmiş yazar Qələndar Xaçınçaylı haqqında br sıra ənənəvi və elektron KİV-də yayımlanmış yazılar əsasında mənbələri göstərilmək və müəllif hüquqları qorunmaq şərti ilə hazırlanaraq yayımlanır.
Ziyadxan Əliyev. “Nəsimi dünyası rənglərin işığında”. Rəngkarlıq. Heykəltəraşlıq. Qrafika. Dekorativ-tətbiqi sənət. İncəsənət - sətətşünaslıq toplu-albomu. Bu kitabda Azərbaycan və xarici ölkə sənətkarlarının dahi Azərbaycan şairi İmadəddin Nəsimiyə həsr olunmuş təsviri və dekorativ-tətbiqi sənət əsərlərindən söz açılır. İlk dəfə bir kitabda yer alan bu əsərlərin timsalında hürufi şairin əqidəsi uğrunda apardığı mübarizənin ən müxtəlif səhifələri ilə tanış olmaq mümkündür.
Zaur Ustac. "Qələmdar".Məqalələr. E-kitab Bayram Bayramovun 100 illik yubiley tədbirləri çərçivəsində nəşr olunur. Bu kitab dahi yazar Bayram Bayramovun (1918 - 1994) anadan olmasının 100 illik yubiley tədbirləri çərçivəsində nəşr olunur. Kitabda layihənin təşəbbüsçüsü və rəhbəri şair-publisist Zaur Ustacın ayrı-ayrı vaxtlarda müxtəlif KİV (EKİV) - də yayımlanmış gənc yazarlara tövsiyə xarakterli məqalələri toplanmışdır.
