Gülnarə Sadiq. "Paralanmış ürək". Bədii nəsr nümunələri. Kitabda müəllifin qələmə aldığı gənclik, vətənpərvərlik, sevgi-məhəbbət, anaya, torpağa, yurda sevgidən qaynaqlanan nəsr nümunələri toplanıb. Gülnarə Sadiq, yalnız şeirlər yazmır, onun epik janrda da əsərləri də özünəmxsusluğu ilə seçilir.
Şıxbala Elcan. "Qurani-Kərim"in Anlamı. Qafiyəli nəsrlə - Azərbaycan dlində. Ayələrin mənasını təhrif etmədən müqəddəs Qurani-Kərimin müasir Azərbaycan dilində (anlam olaraq) hər kəsin oxuya və dərk edəcək formada qələmə alınan kitab...
"Fransız ədəbiyyatı antologiyası" III cild (XVII - XX əsrlər). Antologiyada klassik və İyirminci əsrin tanınmış Fransa yazıçılarının dəyərli əsərləri Azərbaycan dilində oxuculara çatdırılır.
Dəstəgül Zamanlı. "Biz məğlub olmamışıq". I Kitab. Azərbaycan uğrunda Qarabağda vuruşan, ölkəmizdə yaşayan müxtəlif millətlərin və etnik qrupların nümayəndələrinə aid kitab. "Gənclərin Virtual Multikulturalizm Mərkəzi". E-kitab N 04 (45- 2016)
"Azərboyconi tolışon ədəbiyot". (Talışca) "Azərbaycan talışlarının ədəbiyyatı". Müntəxəbat-antologiya. I cild. (Müəlliflər: A.A.Bayrami, M.Q.Əliyev, X.Ş.Ağayev, M.S.Əhədov) Kitabın 3 cilddən olması nəzərdə tutulur. Hazırki I cild 3 fəsildən ibarətdir. İ fəsilə talış folkloru və ona aid miniantologiya, II fəsilə XX əsr talış ədəbiyyatı, III fəsilə müasir talış ədəbiyyatı, talış ədibləri ilə müsahibələr, onların yaradıcılıqlarına aid təhlillər, məqalələr və əsərlərindən nümunələr daxil edilmişdir. Kitabda 4 müəllifin- A. A. Bayraminin, M. Q. Əliyevin, X. Ş. Ağayevin, M. S. Əhədovun 25 talış ədibinin həyat və yaradıcılığı haqqında talış dilində yazdıqları 37 məqalə, 4 esse və 2 müsahibə yer almışdır. Növbəti cildlərdə həm də digər müəlliflərin talış ədəbiyyatına aid araşdırmaları toplanacaqdır.
Afaq Şıxlı. "Sənə demədiklərim" - Rusiyadan yazıb-yaradan şairə-tərcüməçinin sayca səkkizinci kitabıdır. Burada, şairənin heca və sərbəst vəzndə yazılmış şeirləri, eləcə də, dördlüklər yer almışdır. Kitabin birinci bölməsindəki şeirlər xronoloji olaraq düzülmüşlər.
Qəni Camalzadə. “Kişilik də bir şey deyil...” Hekayələr toplusu. Tanınmış istedadlı yazıçı-yumorist Q.Camalzadənin yeni e-kitabına müəllifin son illərdə qələmə aldığı oxunaqlı hekayələri daxil edilib. Topluya daxil edilmiş bədii nəsr nümunələrində yumoristik, eləcə də sərt etnoqrafiq - psixloji löhvələr var.
Yeni Yazarlar və Sənətçilər Qurumu QHT-lərə Dövlət Dəstəyi Şurasının xətti ilə sosial şəbəkələrdə dini tolerantlığın innovativ təbliğinə başdı: geniş açıqlama... Yeni Yazarlar və Sənətçilər Qurumu Azərbaycan Respublikası Prezidenti yanında QHT-lərə Dövlət Dəstəyi Şurasının 2016-cı il birinci maliyyə müsabiqəsində qalib gəlib. YYSQ "İctimai əhəmiyyət kəsb edən müxtəlif məsələlərlə bağlı maarifləndirmə" bölümü üzrə, "Dini radikallığa və ekstremizmə qarşı mübarizə sahəsində maarifləndirmə" istiqamətində "Mədəniyyətlərin sığındığı etiqad: sosial şəbəkələrdə dini tolerantlığın innovativ təbliği" layihəsini bu günlərdə həyata keçirməyə başlayıb. Bununla əlaqədar YYSQ KİV üçün aşağıdakı məzmunda geniş açıqlama verir.
Xeyrəddin Qoca. "Biz bizə bənzərik...". Satirik-yumoristik nəsr əsərləri. Komediyalar, satirik hekayələr, novellalar və miniatürlər ustası Xeyrəddin Qocanın əsərləri oxuculara yaxşı tanışdır. Onun yaradıcılığı haqqında Azərbaycan və türk yazıcıları, tənqidçiləri, ədəbiyyatşünasları dəyərli fikirlər söyləmişlər.
Mehman Süleymanov. "Nuri Paşa və silahdaşları". 20-ci əsrin əvvəllərində Azərbaycanın müstəqilliyi uğrunda başladılan mücadilə hərəkatında , qədim və gözəl Bakı şəhərinin, Şərqin mədəni, ictimai-siyasi mərkəzlərindən biri olan Bakının birləşmiş düşmən qüvvələrindən azad edilməsində Qafqaz İslam Ordusunun və bu ordunun komandanı Nuru Paşanın böyük xidmətləri olub. Bu kitabda böyük sərkərdənin və onun silahdaşlarının keçdiyi şərəfli yol öz əksini tapıb.
"Yeni Tatar şeri antologiyası". (YAÑA TATAR ŞİĞERE ANTOLOGİYӘSE - ЯҢА ТАТАР ШИГЫРЕ АНТОЛОГИЯСЕ). Tatarıstan Yazıçılar Birliyinin təqdim etdiyi materiallar, o cümlədən “Антология новой татарской поэзии” (“Oktyabr”, Moskva-2015) kitabında yer alan mətnlər, habelə bir qismi gənc tatar şairlərinin şeir kitabları yaxud onlar tərəfindən biləvasitə göndərilən şeirlər əsasında hazırlanıb. Mətnlər, əsasən ruscadan, müəyyən bir qismi isə orjinaldan (tatarcadan) çevrilib
