Əsrlərdən bəri xalqın yaddaşından süzülüb gəlmiş Molla Nəsrəddin lətifələrinin hər birində gülüşlə yanaşı sufi fəlsəfəsinin sirləri, elm və bilgi kodları gizlənib. Ariflər üçün elm, xalq üçün gülüş ünvanı sayılan bu xalq ədəbiyyatının şah nümunələrini bir kitabda sizlərə təqdim edirik...
Monoqrafiyada türk dünyasının böyük oğlu, dilçi, publisist, rəssam, həkim, şair, musiqiçi, ideoloq-ensiklopedist sima olan Əli bəy Hüseynzadənin dilçilik görüşləri araşdırılır. Onun türk xalqlarının ədəbi dilinə, mətbuat üslubuna, imla və tərcümə məsələlərinə, alınma sözlərə münasibəti aydınlaşdırılır. Monoqrafiyadan dilçi bilginlər, filoloji yöndə çalışan mütəxəssis və tələbələr istifadə edə birlərlər.
Хalq folklorundan və klassik dünya ədəbiyyatından bəhrələnmiş, müəyyən dövrlərdə isə uşaq oхusu kimi dəyərləndirilmiş müхtəlif janrlı ədəbiyyat nümunələri artıq ХIХ əsrin maarifçilik dövrü müstəvisində müstəqil bir sahə kimi təşəkkül tapmış və mərhələli şəkildə inkişaf etmişdir. Bu monoqrafiyada Azərbaycan uşaq ədəbiyyatının yarandığı dövrdən bu günə qədər olan mərhələli inkişafı mövcud elmi mənbələrə istinad edilməklə tədqiq edilmiş və ətraflı şərh olunmuşdur.
"Qarlı aşırım" əsəri ilə böyük ədəbiyyata gələn görkəmli yazıçı, tarixi romanlar ustası Fərman Kərimzadənin "Xudafərin körpüsü" romanında XV əsrin axırı, XVI əsrin əvvəllərində baş vermiş tarixi hadisələr, Şah İsmayıl Xətainin uşaqlıq və gənclik illəri, hakimiyyət uğrundakı mübarizəsi qələmə alınmışdır. Romanda həmçinin Şah İsmayıl Xətainin bir şair, sərkərdə və dövlət xadimi kimi yetişib formalaşdığı tarixi şərait təsvir edilmiş, Uzun Həsən, Sara Xatun, Hüseyn Lələ bəy, Əbih Sultan kimi tarixi şəxsiyyətlərin yadda qalan obrazları yaradılmışdır.
Azərbaycan ədəbiyyatının tanınmış nümayəndəsi, romantik yazıçı Abdulla Şaiqin "Seçilmiş əsərləri" (üç cilddə) I cildinə milli nəsr əsərlərimizin orijinal nümunələri - hekayə, povest və romanları daxil edilib.
"Üç əsrin yüz otuz ili" kitabı görkəmli teatrşünas-alim, sənətşünaslıq doktoru, professor İlham Rəhimlinin "Azərbaycan teatrı" silsiləsindən növbəti kitabıdır. Kitab Akademik Milli Dram Teatrının keçdiyi 130 illik yaradıcılıq yolunu qısaca təcəssüm etdirməklə kollektivin çağdaş həyatı barədə ətraflı məlumat verir.
Dərs vəsaiti Azərbaycan Respublikasının ali təhsil müəssisələrinin hüquq fakultələrinin tələbələri, hüquq- mühafizə orqanlarının əməkdaşları və respublikanın hüquq ictimaiyyəti üçün nəzərdə tutulmuşdur.
Əlibala Hacızadənin "Seçilmiş əsərləri"nin Onuncu kitabına tanınmış tanınmış yazıçının elmi-intellektual irsindən nümunələr, monoqrafiyaları, elmi məqalələri, fars, tacik və b. dillərdə etdiyi tərcümələri daxil edilib.
Tanınmış nasir Yusif Əhmədоv ötən əsrin 60 cı illərində ədəbiyyata gələn yazıçılardandır. İlk kitabı "Əfqan hеkayələri" adı ilə 1965 ci ildə Tacikistanın Düşənbə şəhərində çap оlunub. "Ələkеçməzlər" sayca müəllifin 20 ci kitabıdır. Kitabdakı еyniadlı rоman öz janrına görə müəllifin başqa əsərlərindən fərqlənir. Azərbaycanın ilk milli dеtеktiv rоmanı оlan "Ələkеçməzlər" kitabındakı hadisələr 1992 2006 cı illər ərzində Bakı şəhərində və əyalətlərdə baş vеrən müxtəlif kriminal hadisələrdən bəhs еdir.
