Yeni media ilə bağlı kulturoloji-şəbəkə layihəsi: İnteraktiv-kulturoloji layihə sosial şəbəkə fəallarını da əhatə edəcək... Yeni Yazarlar və Sənətçilər Qurumu Azərbaycan Respublikası Gənclər və İdman Nazirliyinin qismən maliyyə dəstəyilə "Fəal gənclər və QHT liderləri üçün İnternet jurnalistikası (sosial media), blogerliklə bağlı real, eləcə də virtual (distant - məsafəli) təlimin təşkili, yeni mediaya aid elektron dərsliklər, e-kitab formasında elmi-praktik ədəbiyyatın hazırlanıb portalda yerləşdirilməsi, sosial şəbəkələrdə geniş fəaliyyət" adlı yeni innovativ-kulturoloji layihəsinə start verib.
Afaq Şıxlı. “Ömrümün beşinci fəsli”. Bu poetik toplu qürbətdə yaşayan istedadlı şairə Afaq Şıxlının ana dilimizdə beşinci kitabıdır. Burada toplanmış şeirlər həm forma və həm də məzmunca rəngarəngdir. Vətən həsrəti, övlad sevgisi, ana məhəbbəti, şəhidlərimizə ehtiram, ilahi eşq və s. mövzularda şeirlər, eləcə də şairənin qələm dostlarına ithafən yazdığı şeirləri də kitabda yer almışdır. Ümidvarıq ki, A. Şıxlının bu kitabı da oxucuları tərəfindən rəğbətlə qarşılanacaqdır!
Camal Zeynaloğlu. "Həqiqət işığında". Bu kitab Camal Zeynaloğlunun oxucularla yeddinci görüşüdür. “Yaxşı insanlar sorağında” silsiləsindən olan bu ilk kitab tanınmış ziyalı, gözəl insan, etibarlı dost və yoldaş, nadir istedad sahibi, yazıçı-publisist, şair, filosof, tarixçi, teoloq, astronom, ictimai xadim, Azərbaycan Ziyalılar Cəmiyyətinin məsul katibi, “Ziyalı” qəzetinin baş redaktoru, həvəskar bəstəkar,“Qızıl Qələm”və “Məhsəti Gəncəvi” mükafatları laureatı, fəlsəfə elmləri namizədi, dosentHəqiqət xanım Kərimovanın həyat və yaradıcılıq fəaliyyətinə həsr olunmuşdur.
Yaqub Məğrur. "Qeyrət nəğməsi". Şair-publisist Yaqub Mrurun bu yeni e-kitabına qələmə aldığı poetik-lirik şeirlərindən, esselərdən, publisistik əsərlərdən nümunələr və haqqında yazılmış məqalələr, şeirlər toplanıb... Virtual redaktoru və e-nəşrə hazırlayanı: Aydın Xan (Əbilov), yazar-kulturoloq
Aynur Lətifova. "Sevgi naminə". Gənc yazıçı xanımdan növbəti sevgi povesti. Çinarə ailə münasibətləri üzrə psixoloqdur. O, neçə-neçə ailələri dağlmaqdan, boşanmaqdan xilas edib. Ancaq öz ailəsi bu problemlə üzləşdikdə, o, çətinlik çəkir və çarəsiz qalır.
Füzuli Yavər. "Olesya".Magiya teatrı üçün daha bir pyes. A.Kuprinin ölməz "Olesya" povestiəsasında işlənmiş iki hissəli dram. Bu povest əsasında dəfələrlə bədii film çəkilib, səhnə əsərləri, hətta balet tamaşaları da hazırlanıb. "Olesya" ya qarşı marağın ildən-ilə artması bu əsərin ruhundakı izahedilməz magiyadadır.
Dilarə Vəkilova və Əlövsət Bəşirlinin imzası ilə "Mütərcim" nəşriyyatında bu günlərdə işıq üzü görmüş "Bizim dünya" kitabı əsasında e-nəşrə hazırlanmış bu elektron kitabında hekayələr, xatirələr, oçerklər və başqa oxunaqlı yazılar toplanmışdır. Kitab YYSQ tərəfindən e-nəşrə hazırlanıb.
Abdulla Faruq-100. Kitab Abdulla Faruqun 100 illik yubileyinə ithafdır. Bu, Azərbaycan Yazıçılar Birliyinin "İRS" komissiyasının "Yüzilliklər" silsiləsindən ikinci kitabıdır. Kitabda şair-publisist Abdulla Faruqun xatirələri və məqalələri, eyni zamanda haqqında xatirə və məqalələr verilmişdir.
Firuza Məmmədli. "Seçilmiş əsərləri" - VI Cild. Tanınmış şairə-publisist, tərcüməçi və dilçi alim Firwzə Məmmədlinin yeni poetik nümunələrindən, lirik şeirlərindən və qəzəllərdən ibarət yeni elektron kitabı... Virtual redaktoru və e-nəşrə hazırlayanı: Aydın Xan (Əbilov), yazar-kulturoloq. YYSQ - Milli Virtual Kitabxananın e-nəşri N 11.
Şəmil Sadiq. “Qocalıb qeyrətimiz...» (“Bu türk o türk deyil...») Poetik toplu. Tanınmış istedadlı cavan filoloq alim, ədəbiyyatşünas və təhsil xadimi, yazar-şair, publisit Şəmil Sadiqin imzası çağdaş oxucular tərəfindən maraqla qarşılanır. Bu e-kitabına müəllifin müxtəlif vaxtlarda qələmə aldığı rəngarəng janrlarda qələmə aldığı lirik, fəlsəfi, satirik şeirləri toplanıb. E-kitab YYSQ tərəfindən e-nəşrə hazırlanıb.
Azad Yaşar. “Dünya ədəbiyyatından seçmələr...» Tərcümə toplusu. İstedadlı cavan araşdırmaçı, yazar-şair, mütərcim-publisit Azad Yaşarın imzası dünya ədəbiyyatını sevən oxuculara yaxşı tanışdır. Bu e-kitabına onun müxtəlif vaxtlarda qələmə aldığı araşdırmalar, dünya – Şərq və Qərb ədəbiyyatından, fəlsəfəsindən, şeirindən dilimizə çevirdiyi ədəbi-bədii, fəlsəfi-estetik yazılar daxil edilib. E-kitab YYSQ tərəfindən e-nəşrə hazırlanıb.
