Tofiq Xəzər. "Bərdədən görünən dünya". Roman-epopeya. 16 cilddə. II hissə. XIII cild. Azərbaycan və dünya ədəbiyyatında bir ilk olaraq 16 cilddə qələmə alınmış bu roman-epopeya XX və XXI əsr Azərbaycan mənəviyyatının ədəbi ensiklopediyasıdır
Mirhaşım Talışlı, Etibar Əhədov. “Lənkəran: ensiklopedik məlumat”. II nəşr. Ensiklopedik-kütləvi kitab. Ensiklopedik nəşrlərin əsas tələbləri qorunmaq şərti ilə, bu 583 səhifəlik, A4 formatlı irihəcmli kitab elmi-informativ, faktoloji məəlumatların zənginliyi, məzmun mükəmməlliyi baxımından oxucuların diqqətini cəlb edə bilir. Kitabda bölgənin ictimai-siyasi, sosial-mədəni, iqtisadi həyatının, eləcə də rayonun tarixinin, etnoqrafiyasının, mədəni quruculuğunun bütün istiqamətlərini əks etdirən məlumatlarla yanaşı, Lənkərandan olan, ömürlərini-fəaliyyətlərini bu torpaqla bağlayan ictimai-siyasi, pedaqoji, ədəbi-mədəni, hərbi xadimlər, dəyərli elm, təhsil, istehsalat, kənd təsərrüfatı adamları, bir sözlə ictimai fəallığı ilə seçilən tanınmış şəxsiyyətlər haqqında dolğun bilgilər geniş oxucuların diqqətinə çatdırılır. Yığcam ensiklopedik məqalələrlə yanaşı nəşrin səhifələrində verilən, müxtəlif tarixi anları əks etdirən fotoşəkillər, xəritələr, tanınmışların şəkilləri də kitabın daha maraqla oxunmasına səbəb olur.
Akif Ağayev. "Pəhləvanın salnaməsi". Elmi-publistik kitab. Cənub bölgəsində - Masallıda yaşayan müəllif kitabda eloğlusu, məşhur güləşçi, Yunan-Roma güləşi üzrə SSRİ idman ustası, Azərbaycanın əməkdar məşqçisi, respublika dərəcəli hakim, mərhum Nadir Yaqub oğlu Ağayevin (1935-1985) mənalı həyat və fəaliyyətindən danışılır. Dostlarının, şagirdlərinin, ümumiyyətlə onu tanıyanların bu şəxs haqqında xatirələri topluda əsas yer tutur. Eləcə də güləş haqqında və digər xronoloji məlumatlar kitabın oxucu marağını tam təmin edir. Beləliklə Nadir müəllim bu kitabla yeni bir ömür yoluna çıxır. Qarşılayın...
Etibar Kərimli. "Antik ədəbiyyat və biz". Elmi-publistik kitab. “Antik ədəbiyyat və biz” kitabı Azərbaycanda antik ədəbiyyatın tədqiqi tarixini, bu kontekstdə qədim dövrün Şərq-Qərb elmi-ədəbi əlaqə və təsirlərini araşdırmaya cəlb edən elmi-tədqiqat işindən, həmçinin, klassik filologiyanın bir sıra aktual mövzularına, bütövlükdə ədəbi-nəzəri və kulturoloji problemlərə toxunan elmi, elmi-publisistik məqalələrdən ibarətdir. Kitab klassik filologiya sahəsində çalışan alimlər, aspirantlar, müəllim və tələbələr, həmçinin, antik dünya ilə maraqlanan geniş oxucu kütləsi üçün nəzərdə tutulmuşdur.
Zaur Ustac. “Əliş və anna” (Poema). Əski əlifbayla. - (زائور اوستاج , “علیش و آننا” (پوئما. Elektron Kitab (Y-30-EK-23-ZU) Zaur Ustac yaradıcılığının 30 illik yubiley tədbirləri çərçivəsində nəşr olunur. - ... الکترون کیتاب (Y-30-EK-23-ZU) زائور اوستاج یارالدیجیغی نین اوتوز(30) ایل لیک یوبی لئی تدبیرله ری ,چه رچیوه سینده نشر اولونور.
Məhəmməd Bəylər Aranlı. "Ömürdən düşən yarpaqlar". Poetik əsərlər kitabı. Məhəmməd Bəylər Aranlının "Ömürdən düşən yarpaqlar" adlı kitabı, müəllifin oxucuları ilə, sayca altıncı görüşüdür. Müəllifin indiyədək "Ürəyimin harayı" (1991), "Gözümün qarası"(1995), "Sevgim, taleyim"(2000), "Sənli günlərimin təşnəsiyəm mən" (2004),"Külək döyür qapımı" (2008) adlı kitabları, pərəstişkarları tərəfindən rəğbətlə qarşılanıb. Məhəmməd Bəylər Aranlının Vətən, məhəbbət, insanlığa sədaqət, ülviyyət, mərhəmət, ilk od-ocaq kimi mövzularda qələmə aldığı şeirləri özünəməxsus ahəng və rəng tapır.
Telman Ümman Tircanlı. "Bir gün görüşərik". Şeirlər kitabı. Əslən bölgədə - İsmayıllıdan olan, Bakıda yaşayıb-yaradan şairin ilk elektron kitabında lirik-ictimai şeirlər toplanıb.
Güləmail Murad. "Qayıdış". Poetik toplu. Çağdaş Azərbaycan ədəbiyyatının istedadlı nümayəndəsi, tanınmış şairə Güləmail Muradın Milli Qəhrəmana aid poetik-publisitik kitabı.
Elşən Məmmədov. "Azərbaycanda turizm bazarının formalaşması və idarə olunmasının regional xüsusiyyətləri". Elmi monoqrafiya. Azərbaycan Respublikası Təhsil Nazirliyi və Azərbaycan Dövlət İqtisad Universitetinin nəşri.
"Azərbaycan turizmi: bu gün və sabah". II kitab. Azərbaycan Respublikası Mədəniyyət və Turizm Nazirliyi və Azərbaycan Turizm İnstitutunun nəşri. Ümummilli Liderimiz Heydər Əliyevin anadan olmasının 90-cı ildönümü münasibətilə respublika gənc turizm mütəxəssislərinin elmi-praktik konfransının materialları.
"Azərbaycan turizmi: bu gün və sabah". I kitab. Azərbaycan Respublikası Mədəniyyət və Turizm Nazirliyi və Azərbaycan Turizm İnstitutunun nəşri. Ümummilli Liderimiz Heydər Əliyevin anadan olmasının 90-cı ildönümü münasibətilə respublika gənc turizm mütəxəssislərinin elmi-praktik konfransının materialları.
