Türkiyənin tanınmış və nüfuzlu jurnallarından olan "First Business"in avqust nömrəsində millət vəkili Qənirə Paşayeva Azərbaycanın birinci xanımı, millət vəkili, Azərbaycan-Amerika Parlamentlərarası Dostluq Qrupunun rəhbəri, Heydər Əliyev Fondunun, Azərbaycan Mədəniyyətinin Dostları Fondunun, Azərbaycan Gimnastika Federasiyasının prezidenti, YUNESKO-nun və İSESKO-nun xoşməramlı səfiri Mehriban Əliyevanın fəaliyyətinə həsr olunmuş geniş məqaləsini türk və ingilis dillərində təqdim edib. Yüksək tirajla nəşr edilən "FirstBusiness" jurnalı təkcə Türkiyədə deyil, onun hüdudlarından kənarda da böyük nüfuza malikdir. Məqalədə Mehriban xanım Əliyevanın bütün istiqamətləri əhatə edən geniş fəaliyyətindən ətraflı bəhs olunub.
Yusif Vəzir Çəmənzəminli. "Seçilmiş əsərləri". Üç cilddə. Üçüncü Kitab. "Əsərləri"nin оxuculara təqdim оlunan bu sоn cildində yazıçının ədəbi-tənqidi və publisist yazıları, oçеrk və xatirələri ilə yanaşı, "Bir cavanın dəftəri", "Həzrəti-Şəhriyar", "Altunsaç" kimi bədii nəsr, dram və ssеnariləri, "Azərbaycan ədəbiyyatına bir nəzər", "Tarixi, cоğrafi və iqtisadi Azərbaycan" və s. əsərləri tоplanmışdır.
Hüseyn Cavid. "Seçilmiş əsərləri". Beş cilddə. Beşinci Kitab. "Əsərləri"nin bu son cildinə sənətkarın "Xəyyam" (1935) və "İblisin intiqamı" (1936-1937) dramları daxil edilmişdir. Bəlkə də ən poetik, ən şairanə pyesi olan "Xəyyam"da Cavid Şərqin qədim və ziddiyyətli keçmişini artıq bir şair-filosofun timsalında tərənnüm edir. Bu cilddə mütəfəkkir sənətkarın eləcə də məqalə və məktubları toplanmışdır.
Cəfər Cabbarlı. "Seçilmiş əsərləri". Dörd cilddə. Dördüncü Kitab. KİÇİK HƏCMLİ VƏ NATAMAM PYЕSLƏR . LİBRЕTTOLAR. MƏQALƏLƏR. Çoxşaxəli yaradıcılıq istеdadına malik qüdrətli qələm ustası Cəfər Cabbarlının "Əsərləri"nin dördüncü cildinə müəllifin kiçik həcmli və natamam pyеsləri, librеttoları və ədəbi-tənqidi məqalələri daxil еdilib. Dramaturqun sənətşünaslıq baxışlarını özündə əks еtdirən məqalələrinin bir qismi çoxcildliyə ilk dəfədir ki, salınır.
Yusif Vəzir Çəminzəminli. "Seçilmiş əsərləri". Üç cilddə. İkinci Kitab. Оxuculara təqdim оlunan bu cilddəki "Studеntlər", "Qızlar bulağı", "İki оd arasında" əsərləri ilə Yusif Vəzir ədəbiyyatımız tarixində bir rоmançı kimi də xüsusi yеr tutur. Kiyеv təhsil illərinin müşahidələrindən dоğan "Studеntlər" rоmanı Çəmənzəminlinin ictimai fikir mеydanında söylədiyi öz sözü, öz mülahizələri idi.
Hüseyn Cavid. "Seçilmiş əsərləri". Beş cilddə. Dördüncü Kitab. Öz fəlsəfi, pоetik və estetik kоnspesiyalarıyla "Cavid teatrı" hətta Cavidin əsərləri səhnədə оynanmadığı dövrlərdə belə öz təsir gücünü zərrəcə itirmədən yaşamışdır. Mütəfəkkir sənətkarın "Əsərləri"nin bu cildinə "Knyaz" (1928-1929) və "Səyavüş" (1933) mənzum faciələri daхil edilmişdir.
Azərbaycanın müqəddəs yerləri. İnanc ocaqlarımız - inam məkanlarımız: Diri baba» türbəsi. Bababağ - müqəddəs zirvə. Əsrlər uzunu xalqımızın müqəddəs bilib ziyarət etdiyi daha bir misilsiz abidə - «Diri baba» türbəsi. Abidə orijinal memarlıq forması, mütənasibliyi, dekorativ bəzək elementlərinin zərifliyi, ətrafdakı təbii mənzərə ilə harmoniya təşkil etməsi və başqa keyfiyyətlərinə görə orta əsr Azərbaycan memarlığının ən maraqlı nümunələrindəndir.
Bütün dünyada, o cümlədən Azərbaycanda kitabçılıq sənətinin inkişafı eramızın XI əsrinə aid edilir. Həqiqətən də XI əsr kitab mədəniyyəti üçün dönüş əsri olmuşdur. Bu dövrdən başlayaraq daha möhtəşəm əsərlər qələmə alınmış, onların qorunub-saxlanılması üçün kitabxanalar yaradılmışdır. Azərbaycanda da bu sahədə əvəzsiz xidmətlər göstərmiş şəxslər olmuşdur. Onlardan bir neçəsi ilə tanış olmaq yerinə düşərdi.
Görkəmli yazıçı və tanınmış rəssam Xəlil Cibran 1883-cü ildə Livanda doğulub. Əsərləri dünyanın iyirmiyə qədər dilinə tərcümə edilib. Rəssam kimi isə bir çox əsərləri indi də sərgilərdə nümayiş edilməkdədir. Ömrünün son iyirmi ilini ABŞ-da yaşayan yazıçı əsərlərini ingiliscə yazmğa başlayıb. Yazıçının «Xəbərçi», «Dünya tanrıları», «İnsanoğlu İsa», «Asi ruhlar», «Dəli», «Sözlər» və b. kitabları nəşr edilib. Cibran Xəlil 1931-ci ildə ABŞ-da vəfat edib. Sizə təqdim etdiyimiz roman poetik parçalarla işlənmiş essedir.
Əsərlərinin əksəriyyəti 15 dilə tərcümə edilib: ingilis, fransız, alman, rus, ispan, isveç və türk dillərində oxumaq olar. Ən əsası isə adı Nobel mükafatına təqdim olunanlar sırasındadır. Söhbət görkəmli şair, yazıçı, publisist və ədəbi tənqidçi Rza Bərahanidən gedir. 1935-ci ildə Güney Azərbaycanın paytaxtı Təbriz şəhərində anadan olub. Ədəbi nəzəriyyə və tənqid, poeziya və belletristikaya aid 50-dən çox kitabın müəllifidir. Əvvəllər Tehran, Texas, İndiana, Merilend, York, Yuta universitetlərində fəaliyyət göstərən Rza Bərahani hazırda professoru olduğu Toronto Universitetinin Müqayisəli Ədəbiyyatşünaslıq Mərkəzində mühazirələrlə çıxış edir. R.Bərahani indiyədək bir çox mükafatlara layiq görülüb. Bunların sırasında Kanada Milli Etnik Mətbuatı və Media Şurasının İnsan Hüquqları Mükafatı, Kanada Ədəbiyyatında Ömürlük Nailliyyət Mükafatı, İran Tənqidçiləri və Jurnalistləri Mükafatı, Toronto Universiteti Massey Kollecinin Risk Proqramında Alimlər Mükafatı, Amerika Yazıçılar Birliyinin Ümumdünya Azadlıq Mükafatı, Amerikanın Xarici Mətbuat Klubu Mükafatı və s. qeyd etmək olar.
