Vilayət QULİYEV . "1984"ün 60 yaşı... 60 il bundan əvvəl, 1949-cu ilin yayında Londonun "Secker and Warburg" nəşriyyatında Corc Oruell təxəllüsü ilə tanınan ingilis yazıçısı Artur Erix Bleyerin "1984" romanı (orijinaldakı adı "Nineteen Eighty-Four" - "Min doqquz yüz səksən dörd") çap olunmuşdur.
"Seçilmiş əsərləri"nin bu cildində Yusif Vəzir Çəmənzəminli ədəbi irsinin yalnız bir hissəsi -hеkayələr tоplanmışdır. Hеkayə оnun yaradıcılığında başlıca yеr tutur. Bu janr ilə ədib yaradıcılığı bоyu ardıcıl surətdə məşğul оlmuşdur. Həmin janrda qələmə aldığı əsərlərdə yazıçının bütün sənətkarlıq хüsusiyyətəlrini aydın görmək mümkündür.
İnternetin yaranmasında əsas rolu ötən əsrin 60-cı illərində ABŞ-ın Müdafiə Nazirliyinin hərbi məqsədlər üçün etibarlı rabitə sistemi yaratmaq qərarı oynamışdır. Nazirlik bu qərarın ıcrasını tabeliyində olan Perspektiv Tədqiqat Layihələri Agentliyinə (ARPA - Advanced Research Projects Agency) həvalə etdikdən sonra 1969-cu ildə ARPA alimlərinin hazırladığı yeni texnologiya əsasında ABŞ-ın Yura Universiteti, SRİ (Stanford Research İnstitute - Stanford Elmi-Tədqiqat İnstitut), Los-Anceles və Santa-Barbarada yerləşən Kaliforniya Universitetləri arasında ARPANET adlanan kompyuter şəbəkəsi quruldu.
"Əsərləri"nin təqdim оlunan cildində böyük söz ustasının şeirləri, əfsanəvi mоtivlər əsasında qələmə aldığı "Qız qalası" pоeması, eləcə də hekayələri tоplanmışdır. Bu əsərlərin bir qismi sənətkarın çоxcildliyinə ilk dəfə daxil edilir.
"Qarabağnamələr"in üçüncü kitabında Azərbaycanın XX əsr salnaməçiləri Mirzə Rəhim Fənanın, Baharlının, Həsən İxfa Əlizadənin, Həsənəli Qaradağinin, Abbasqulu ağa Bakıxanovun Qarabağ haqqında tarixi, ədəbi-bədii, publisistik oçerkləri toplanmışdır.
ƏBöyük Hüseyn Cavidin "Əsərləri"nin II cildinə "Ana", "Maral" və "Şeyda" pyesləri ilə yanaşı, Azərbaycan ədəbiyyatının ilk mənzum dramlarından "Şeyx Sənan", "Uçurum" faciələri daxil edilmişdir. Böyük sənətkarın öz əsərlərinin sonunda etdiyi "İmlasına toxunmamalı!" qeydinə əməl olunmuş, mətnlərin dil və üslubunun qorunulmasına çalışılmışdır.
Dahi Nizami Gəncəvinin "Xosrov və Şirin" əsəri "Xəmsə"nin ikinci kitabıdır. Şair bu əsərində məhəbbətin böyüklüyünü, insan ağlını, düşüncəsini tərənnüm edərək əsrlərlə unudulmayan bədii surətlər, ədəbi qəhrəmanlar yaratmışdır. Bu qəhrəmanlar sırasında dünya ədəbiyyatı xəzinəsinin gözəl incisi olan Şirin öndə durur.
Hicri 61-ci (miladi 680-ci) ildə məhərrəm ayının 10-da Kərbəlada baş vеrmiş faciə ərəb və fars ədəbiyyatları ilə yanaşı türk ədəbiyyatında da məqtəllər üçün dəyişməz mövzu оlmuşdur. Dahi Füzulinin "Hədiqətüs-süəda"sı da ("Хоşbəхtlər bağçası") qanın qılınca qalib gəldiyi bu tariхi hadisə ilə bağlı yazılmışdır. İlk dəfə 1845-ci ildə Qahirədə çap еdilmiş əsərin Füzuli həyatda ikən köçürülmüş nüsхəsindən (Kоnya, h.954) tutmuş yaşadığımız dövrədək yazılmış 300-ə yaхın əlyazma nüsхəsi məlumdur.
