Simon Beket. "Ölümün kimyası". Türk dilində. Dünyada ən çox oxunan əsərlərdən biri. Bu kitab beynəlxalq David Hunter bestseller seriyasının ilk kitabıdır. S.Beket jurnalist olmasına baxmayaraq, kriminal aləmin detalları və tibb dünyasının xırdalıqlarıyla əlaqədar verdiyi məlumatlar, təsvirlər insanı heyran edir.
Con Steynbek. "İnsanlar və kəsəyənlər". (İngilis dilindən tərcümə edən: Mirsadiq Mircəfər oğlu Cəfərov). Amerika yazıçısı Con Steynbek tərəfindən yazılmış və orijinaldan Azərbaycan dilinə tərcümə olunan bu kitabda gənclərin iş tapa bilməməsindən, iş tapanda isə həmin işdən maddi cəhətdən kifayət qədər yararlana bilməməsindən, evlənmək eləcə də ev-eşik, torpaq sahəsi almaq iqtidarında olmama-sından bəhs olunur.
Vatslav Havel - Gücsüzlərin gücü. Vaslav Havelin “Gücsüzlərin Gücü” əsəri bu gün də dünyanın bir çox avtoritar ölkələrində gücsüzləri ruhlandırır, ümidləndirir və gücləndirir. 1978-ci ildə bu yazı yazılanda Çexoslovakiya dərin mənəvi böhran və siyasi durğunluq içində idi. Xartiya-77-nin iştirakçıları repressiyalara məruz qalırdı, dəyişikliyin baş verəcəyin ümidlər yox səviyyəsinə enməkdə idi. Belə bir böhranın içində bir çox dissidentlər Havelin yazısını ümid çırağının yandırılması kimi bir hadisəyə bənzətdilər. Əsərin yazılmasından bir neçə ay sonra Havel özu həbs olundu və dörd il yarım müddətinə azadlıqdan məhrum edildi.
“Azərbaycan xalqlarının ədəbiyyatı” e-antologiyası: Avar ədəbiyyatı N 07-01 (122 - 2013). Avar ədəbiyyatı antologiyası. “Dağ və siçan” (Uşaqlar üçün işlənmiş, şəkilli nağıl). Avar və Azərbaycan dilində. YYSQ - Milli Virtual Kitabxana. Bakı – 2013. E-nəşr N 07-01 (122 - 2013)
Füzuli Yavər. "Bermud üçbucağı" (televiziya pyesi). Televiziya üçün işlənmiş detektiv, psixoloji bir pyes. Hadisələr qeyri-müəyyən bir xarici ölkədə baş verir.
Rasim Nəbioğlu, Müşfiq Cabiroğlu. "Vuqar Əhmədin yaradıcılıq yolu". Monoqrafik araşdırma kitabı. Kitabda nəğməkar şai, yazıçı-publisit, ədəbiyyatşünas alim tanınmış düşüncə adamı Vuqar Əhmədin həyat və ədəbi-elmi yaradıcılığı izlənilib, filoloji təhlilə cəlb olunub.
İradə Aytel. "Partizanın acı həqiqətləri". Sənədli roman. Gənc müəllifin sayca dördüncü olan "Partizanın acı həqiqətləri" kitabında İkinci Dünya müharibəsi iştirakçısı, partizan Mirdamət Seyidovun keçdiyi şərəfli yol izlənilir. Sənədli roman janrında qələmə alınmış bu əsərin sonunda arxiv materialları və şəkillər də verilmişdir...
Eldəniz Əmirov. "Açılmayan səhər". Kəskinsüjetli detektiv romanda insan alveri, mafiya, polis polkovnikinin qəhrəmanlığı, psixası korlanmış manyak, qəribə sevgi olayları və çoxsaylı cinayət hadisələri öz əksini tapıb... “Çağdaş Azərbaycan nəsri”: 18 (119 - 2013)
"Bir xalçanın ilmələri". “Azərbaycan xalqlarının ədəbiyyatı” antologiyası. Bu antologiyaya qədim tarixə malik Azərbaycanın yerli xalqların - talış, ləzgi, dağ yəhudiləri, tat, udin (udi), kürd, avar folkloru, poeziya və nəsrini – orijinalda, Azərbaycan dilində, eləcə dəbu millətlərin nümayəndələri olan qələm adamlarının azərbaycanca yaratdıqları əsərlərdən nümunələri daxil edilib. Mənbə dilçilər, etnoqraflar, kulturoloqlar, sivilizasiyaşünaslar, ədəbiyyatçılar üçün maraqlı vəsait sayılır. Kitab YYSQ tərəfindən e-nəşrə hazırlanıb... Aydın Xan (Əbilov). Ümumazərbaycan mədəniyyətinin - ədəbiyyatının yeni qatları
Mübariz Əmirov. "İnsan və cəmiyyət". Ali məktəblərin tarix fakültələrinin tələbələri üçün dərs vəsaiti. Azərbaycan Təhsil Nazirliyi tərəfindən təsdiq edilmiş nəşr.
Şahin Fazil. "Yaponiya səfərnaməsi". Bu kitabda müəllifin Yaponiyada olduğu 10 gün müddətində yazdığı səfər təəssüratları, yapon alimləri ilə keçirdiyi elmi görüşlər, etdiyi məruzələr, həmçinin bu Gündoğar Ölkədə qələmə aldığı müxtəlif vəznli şerlər oxucu nəzərinə çatdırılır. Şahin Fazil yapon hayku janrı tərzində “Azərbaycan haykuları” adlı kitab da yazmış, həmin kitabdakı müxtəlif şeir nümunələri Yaponiyada, kitabın özü isə Bakıda / 2007 / çap olunmuşdur.
Əvəz Süleyman. "Əfsanəyə çevrilmiş ömür". Şamaxıda yaşayıb-yaradan tanınmış ziyalı, 10 kitab müəllifi Əvəz Süleymanın bu əsərindəŞirvan elinin inanc yeri müqəddəs övliyalar nəslinin layiqli varisi olmuş Hacı Ağanın (Mirməmmədtağının) şərəfli ömür yolundan bəhs olunur.
