Şirinbəy Hacıəli oğlu Əliyev. "Şimal-Qərbi Azərbaycan: ingiloylar" (I kitab. Ən qədim zamanlardan XIII əsrin ortalarınadək). Kulturoloji-tədqiqat araşdırması.
Dəstəgül Zamanlı. “Əçummən mara bədur” - "Gözümdən getmə uzaq". Tat və Azərbaycan dilində poetik toplu. Kitaba müəllifin ana dilində yazdığı bayatılar və azərbaycanca qələmə aldığı yeni şeirləri daxil edilib.
Səadət Fərziyeva. "Azərbaycanın Cənub-Şərq bölgəsinin «Halay» rəqs-mahnıları." Dərs vəsaiti. Ciddi tədqiqatçı əməyinin məhsulu olan bu dərs vəsaitində müəllif Azərbaycanın Cənub bölgəsində yaşayan talışların tarixi, onların mədəniyyəti və ən əsas da musuqi folklorumuzun zənginləşməsində mühüm bir rol oynayan «Halay» rəqs mahnılarından söhbət açır. Müəllif Fərziyeva Səadət İbrahim qızı öz dərs vəsaitində 2007-ci ildə Masallı, Lənkəran, Astara və Lerik rayonları üzrə aparılan tədqiqat işini geniş təsvir edir. Musiqi - ekspedisiyası zamanı toplanan materiallara , öz müşahidələrinə istinad edərək, onların nəinki tarixi baxımından, eləcə də etimologiyasını açıqlamağa çalışmışdır.
Ağami Bağırlı. "Zuhunmuniş hi... Duhunmuniş hi..." - "Dilimiz də... Sözümüz də..." Dağ yəhudiləri - tat dilində. Poetik toplu: şeirlər, bayatılar, poema. Bu nəşr Ağami Bağırlının oxucularla ikinci poetik görüşüdür və müəllifin ana dlində - tat dilində qələmə alınıb.
Zəminə Xınalı. “Qəhrəman Həzi”. Bu poema hərbçi-şairə Zəminə Xınalının oxucularla növbəti görüşüdür. Əsər iki dəfə Sovet İttifaqı Qəhrəmanı, tank qoşunları General-Mayoru Həzi Aslanovun əfsanəvi qəhrəmanlığına həsr olunmuşdur.
Leyla Məcidova. "Lənkəran qəzasının iqtisadi-sosial vəziyyəti" (XIX əsrin sonları- XX əsrin əvvəlləri). Elmi-kulturoloji araşdırma. Kitabda XIX əsrin sonu XX əsrin əvvəllərində Lənkəran qəzasının sosial-iqtisadi vəziyyətini araşdırmaq, bu dövrdə əhalinin etnik-dini tərkibini müəyyən etmək, bölgədə inkişaf etməkdə olan sənaye və kənd təsərrüfatı sahələrinin inkişaf dinamikasını izləilir.
Dəstəgül Zamanlı. "Biz məğlub olmamışıq". I Kitab. Azərbaycan uğrunda Qarabağda vuruşan, ölkəmizdə yaşayan müxtəlif millətlərin və etnik qrupların nümayəndələrinə aid kitab. "Gənclərin Virtual Multikulturalizm Mərkəzi". E-kitab N 04 (45- 2016)
"Yeni Tatar şeri antologiyası". (YAÑA TATAR ŞİĞERE ANTOLOGİYӘSE - ЯҢА ТАТАР ШИГЫРЕ АНТОЛОГИЯСЕ). Tatarıstan Yazıçılar Birliyinin təqdim etdiyi materiallar, o cümlədən “Антология новой татарской поэзии” (“Oktyabr”, Moskva-2015) kitabında yer alan mətnlər, habelə bir qismi gənc tatar şairlərinin şeir kitabları yaxud onlar tərəfindən biləvasitə göndərilən şeirlər əsasında hazırlanıb. Mətnlər, əsasən ruscadan, müəyyən bir qismi isə orjinaldan (tatarcadan) çevrilib
Azərbaycan Respublikasının Prezidenti yanında Gənclər Fondunun dəstəyilə. "Gənclərin Virtual Multikulturalizm Mərkəzi" layihəsi başlandı... Layihə haqqında geniş məlumatlar.
