Qəhrəman Tağıyev. “Xaraba şəhərin üç sakini”. (Povestər və sənədli hekayə). Bu kitab Azərbaycan Respublikasının torpaqları və Qarabağ uğrunda vuruşanların əziz xatirəsinə həsr olunur.
Azərbaycan Yazıçılar Birliyinin katibi, Milli Pen-Klubun Prezidenti, xalq yazıçı Çingiz Abdullayevin "Bir toy əhvalatı" adlı hekayəsi son illər nasirin qələmə aldığı maraqlı bədii nəsr nümunəsi kimi oxucularımıza ərməğan edilir. Tərcümə: Nərgiz Məhərrəmzadə
Mənzərə Sadıqova. “Qadınlar və kişilər”. (Hekayələr və povest). Kitaba müəllifin son illərdə mətbuatda çap olunan, internetdə yayılan nəsr əsərləri daxil edilmişdir. Müasir ruhlu hekayələrdə zəmanəmizdəki qadın-kişi münasibətlərindən bəhs olunur. Sürətlə dəyişən dünyada yeni çalarlar kəsb edən milli-mənəvi, əxlaqi dəyərlərimizə güzgü tutulur. XXI əsrin reallıqları zəminində İNSANın yaşantıları, ruhi çırpıntıları ön plana çəkilir. Hisslərin zəngin çalarlı palitrası fonunda xarakterlərin psixoloji dərinliyinə baş vurulur. Oxucu öz müasirlərini bir az da yaxından tanıyır.
Nizami Muradoğlu. "Baba ocağı". Roman. Bu əsər müəllifin oxucularla yeni görüşüdür. Əsərdə baş verən hadisələr XX əsrin əvvəllərində, Azərbaycanda erməni təcavüzünün tüğyan etdiyi illərdə, əsasən, Ordubad rayonunun Əylis kəndində cərəyan edir. N.Muradoğlu romanda dövrün ziddiyətli hadisələrini, ermənilərin iç üzünü, mənəvi puçluğunu realist boyalarla, təsirli həyat səhnələri ilə təsvir etməyə çalışmışdır.
Güləmil Murad. "Dağlarda şəhid səsi". Poetik toplu. Azərbaycan ədəbiyyatınının istedadlı nümayəndəsi, şair-publisist Güləmail Muradın bu yeni kitabına son illərdə qələmə aldığı maraqlı poeziya nümunələri - yeni şeirlər və poemaları daxil edilib.
Ağacəfər Həsənli. "İlğım". Poetik toplu: şeirlər və poemalar. Çağdaş Azərbaycan ədəbiyyatınının tanınmış istedadlı nümayəndəsi, şair-publisist, tərcüməçi, Füzulisevər ziyalı Ağacəfər Həsənli poeziyamızda öz dəsti-xətti, poetik nəfəsi olan söz sənətkarlarımızdandır. Bu yeni kitabına şairin son illərdə qələmə aldığı maraqlı poeziya nümunələri - yeni şeirlər və poemaları daxil edilib.
Şirinxanım Kərimbəyli Şadiman. "Tağayım". Poema. Azərbaycan ədəbiyyatında öz dəsti-xətti olan şairənin çoxsaylı kitabları işıq üzü görüb, onun haqqında əsərlər, məqalələr yazılıb. Bu kitabında şairə doğulduğu doğma kəndinə - Tağayıma həsr etdiyi poemasıyla oxucularının görüşünə gəlir.
Məcnun Göyçəli. Dərələyəz harayı. Poetik toplu. Kitaba tanınmış Azərbaycan şairi Məcnun Göyçəlinin vətən həsrəti, Qərbi Azərbaycan dərdi ilə yoğrulmuş, zəmanəmizin ictimai-sosial problemlərini qabardan ictimai-poetik əsərləri, eyni adlı poeması daxil edilib.
Nurəddin Ədiloğlu. "Azərnur". Roman. Oxuculara 20 il sonra təkrar təqdim olunan bu əsər qədim zamanlardan bəhs etsə də, indiki dövürlə tam səsləşir. Burada insanın özündənkənar baş verən hadisələrin onun mənəvi dünyası ilə ruhi və məntiqi bağlılığı təsvir olunur. Müəllifin yaradıcılığının ana xəttini təşkil edən bəşərin taleyi, ətraf mühütə münasibət, vətənə sevgi, cahanda sülh, eyni zamanda yabançı təsir-lərdən getdikcə mənəviyyatına çat düşən insanın daxili dünyası, fikir və dü-şüncələri, köhnə və yeni gerçəkliklər romanda obrazlı şəkildə, həm də magik realizm üslubu ilə əks etdirilir.
Şövkət Zərin Hovorlu. "Seçilmiş əsərlər". I Cild. Bədii nəsr əsərləri. Tanınmış qadın yazıçının bu kitabına müəllifin "Köynək", " Açılmamış zərf", "Qibləsiz" romanları daxil edilib... Çağdaş Azərbaycan bədii nəsri”. Elektron Kitab N 110 (10 - 29 - 2014)
Yaqub Məğrur. "Gəlirəm, Qarabağ!" Poetik-ədəbi toplu. Şeirlər, poemalar, publisitika və elegiyalar. Yaqub Məğrur oxucularla növbəti görüşə hazırladığı "Gəlirəm, Qarabağ!" kitabında mövzuları geniş əhatə edən çox saylı mənzum şeirlərində doğma Yurd nisgilindən, sözdən Vətənə çəpər çəkməsindən danışır...
"Seçilmiş əsərləri". İki cilddə. II Cild. Çağdaş Azərbaycan poeziyasının görkəmli nümayəndəsi Adil Cəmilin ikicildlik “Seçilmiş əsərləri”nin bu cildinə şairin müxtəlif illərdə yazdığı şeir və poemaları toplanıb.
