Tofiq Xəzər. "Bərdədən görünən dünya". Roman-epopeya. On altı cilddə. I cild. Azərbaycan və çağdaş dünya ədəbiyyatında bir ilk olaraq 16 cilddə qələmə alınmış bu roman-epopeyanı XX və XXI əsr Azərbaycan tarixinin - mənəviyyatının ədəbi ensiklopediyası da saymaq olar...
Həcər Hüseynova. "Bədii əsərlərin üslubi sintaksisi". (Mir Cəlalın bədii əsərləri əsasında). Elmi monoqrafiya. Bu elektron kitab “Mir Cəlal Paşayevin bədii əsərlərinin dil və üslub xüsusiyyətləri” mövzusunda yazdığı doktorluq dissertasiyası əsasında hazırlanıb.
Şirin Xanım Kərimbəyli Şadiman. Seçilmiş əsərlər” - V cild. Şeirlər, nəzm hekayələr toplusu. Bu yeni kitabında da istedadlı qələm sahibinin maraqla oxunan aktual poetik-bədii yazıları yer alıb. Kitab müəllifin çapdan çıxmış kitablarının əsasında tərtib olunub. Şeirlərin ruhu dünyəvi, milli, vətənpərvərlik, təbiət, məhəbbət mövzuları ilə cilalanıb. Dünyanın ağrı-acılarını öz ürəyində daşıyan müəllifə yeni-yeni yaradıcılıq uğurları arzulayırıq...
İradə Məlikova. "Azərbaycanda yaşayan xalqların Atalar sözləri və deyimləri". Multikultural toplu. Tədqiqatçı-tərcüməçi, etnoqrafçı İradə Məlikovanın hazırladığı bu iş diqqətəlayiqdir və hazırladığı “Azərbaycanda yaşayan xalqların sözləri və deyimləri” kitabını nəşr etməyi lazım bildik. Əsər həmin xalqların qiymətli irsini qoruyub saxlamaq baxımından faydalıdır. On bir xalqın şifahi ədəbiyyatından və ya informatorlardan toplanan bu atalar sözləri və deyimlərinin bir çoxu bəlkə də ilk dəfə olaraq yazıya alınmışdır. Bu da kitabın əhəmiyyətini daha da artırır.
Aida Hacıxanım. "Məqam" - Səyahətnamə. Publisitik-kulturoloji toplu. Bu kitabda Aida xanımın mədəni - dini, kulturoloji, lokal xarakterli dini adətlərin əsrlərdən bəri süzülüb gələn, yerli adət-ənənələrin dini baxışlarla çuğlaşmış şəkildə vəhdətindən doğan fikirlər, gənc nəslə xatırlatma xarakterli məlumatlar və özünün qısa səyahətnaməsi yer alıb.
İdris Hacızadə. “Dünyanın bəzəyi insanlar”. Publisitik əsərlər və araşdırmalar toplusu. Bu kitab əslən Lənkərandan olan İdris Hacızadə öz ömrünün (75 ilin) yarıdan çoxunu ünsiyyətdə olduğu müxtəlif peşə sahibləri haqqında qələmə aldığı yazılar toplusundan ibarətdir. Bura oçerk və zarisovkalar, maraqlı müsahibələr, işıq üzü görmüş bədii kitablar haqqında rəylər, publisistik düşüncələrin məhsulu olan materiallar daxildir. Qələmə alınan yazıların əksəriyyəti yazıçının xüsusi tədqiqatların və şəxsi düşüncələrindən yaranmışdır. Bütün bunlar isə kitab müəllifinin dərin müşahidə qabiliyyətindən və dünyanın bəzəyi olan insanları yaxşı tanımasından xəbər verir.
Məsiağa Məhəmmədi. "Əfqanıstan: Sovet işğalından Amerika müdaxiləsinə." Elmi-sənədli kitab. Kitabda 1978-ci il aprel çevrilişindən XXI əsrin əvvəllərinə qədər Əfqanıstanda və onun ətrafında baş verən hadisələrdən bəhs olunur..
İlham Əliyev. "İncə Dərəsi" (roman). Yazıçı-publisist İlham Əliyevin qələmə aldığı “İncə dərəsi” romanında da Azərbaycan təbiətinin gözəlliyi, Boz dağın ətəyində yerləşən Çayqovuşan meşələrindən Ulu Tanrının heç nəyi əsirgəmədiyi bədii təsvir vasitələrinin köməyi ilə qələmə alınmışdır.
"Gənclər üçün "Multikulturalizm" virtual-kreativ innovasiyalar akademiyası. Yeni Yazarlar və Sənətçilər Qurumu ( #YYSQ ) Azərbaycan Respublikası Gənclər və İdman Nazirliyi bir hissəsini maliyyələşdirdiyi kulturoloji layihəsinin icrasına başladı.
Zemfira Məhərrəmli. "Ömür bitər, yol bitməz". Publisistik qeydlər, məqalələr toplusu. Azərbaycan Milli Mətbuatının 140 illiyinə həsr edilir. Zemfira Məhərrəmlinin bu kitabı jurnalistin yol qeydləri kimi qələmə alınıb. Müəllif dünyanın müxtəlif ölkələrinə səfərləri, iştirak etdiyi mötəbər toplantılar barədə təəssüratlarını oxucularla bölüşür.
İdris Hacızadə. "Qayıt, əzizim". Mənsur şeirlər və lirik-poetik əsərlər kitabı. Bu oxunaqlı kitabda əslən Lənkərandan olan tanınmış və istedadlı müəllifin 30 illik poetik yaradıcılığından nümunələr verilib.
Həsrət Dadaşoğlu. "Ömür yollarım". Şeirlər və tapmacalar kitabı. Mingəçevirdə yaşayan dəyərli ziyalı-pedaqoq, elin ağsaqqalı, istedadlı şairin seçmə poetik əsərlərindən ibarət e-toplusu.
Ədəbi-estetik cərəyanlar. “Ədəbiyyatda çağdaş kreativ cərəyanların analizi və virtual təbliğatı” - #YYSQ-nin kulturoloji-bədii layihəsi haqqında geniş məlumatlar.Bu elektron nəşr Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının 2017-ci ildə maliyyə yardımı müsabiqəsinin qalibi olmuş, Şura tərəfindən bir hissəsi maliyyələşdirilən, Yeni Yazarlar və Sənətçilər Qurumunun - http://www.kitabxana.net - Milli Virtual-Elektron Kitabxananın “Ədəbiyyatda çağdaş kreativ cərəyanların analizi və virtual təbliğatı” kulturoloji-bədii layihəsi çərçivəsində nəşrə hazırlanıb və yayılır.
Zemfira Məhərrəmli. "Oyuncaq". ЗЕМФИРА МАГЕРРАМЛИ. "Игрушка". Azərbaycan və rus dillərində tərtib edilən kitab: povest, hekayələr və esselər. Bu 164 səhifəlik kitabda povest, hekayələr, mənsur şeirlər və esselər yer alıb.
Rasif Əhmədov. "Dərs". Sənədli povest və bədii hekayələr. Kitabda yazıçı-publisist R.Əhmədov Azərbaycanın çağdaş tarixi, Ermənistan- Dağlıq Qarabağ problemi ilə bağlı kəsərli-dəyərli fikirlərini ədəbi formada təqdim edir.
