Əfzələddin Rəhimli. "İntiharın kölgəsi". Media nümayəndələri, elm, qələm sahibləri, ruhanilər və sair intiharları önləməkdə böyük rola olmalıdır. Hamımız bilirik ki, intiharın qarşısı yalnız maarifləndirmə yolu ilə alına bilər. Bunu sırf iqtisadi və başqa amillərə bağlamaq sadəlövhlük olardı. Çünki araşdırmalar göstərir ki, dünyada bu amillərdən qaynaqlanan intiharların sayı, başqa amillərlə müqayisədə daha azdır. Əsas məsələ, insanlara inam və iradə bəxş etməkdir.
Zaur Ustac. "Çəhrayı kitab". Kitabda Zaur Ustacın ana dilimizdəki bəzi spesfik hərf və səslər barədə fikirləri, eyni zamanda özünün qeyd etdiyi kimi tamamlanmış, "çəhrayı rəngli" bitkin, seçmə şeirləri yer almışdır.
Yusif Cəfərli. "Vəliağa muğanlıları və ya tərəkəmə dünyası". Etnoqrafiq-kulturoloji toplu.Azərbaycan xalqının formalaşmağında xüsusi çəkisi olan tərəkəmə dünyası haqqında növbəti araşdırma...
"Yerfi töhfələri". Toplayanı və hazırlayanı: Tahir Həsənli. Kitabda multikultural mühitdə yaşayan Şimal bölgəmizin Yerfi kəndinin folklor nümunələri yer alıb.
Ceyhun Məmmədov. "Ağlayan buludlar". Gənc yazardan ilk ədəbi axtarışların məhsulu. Çoxsaylı qramatik və leksis, eləcə də dil xətalarına baxmayaraq, öz redaktəsində dərc edilən bu kitabda azad fikr havası var. Kitab iki şəhərə ayrılır. Hekayələr və şeirlər şəhəri. Hər iki şəhərə daxil olarkən, özünüzlə çətir götürməyin. Çünki üzərinizə yağacaq kəlimələri hiss etməyə çalışın. Şüurunuzun ən dərin qatlarına enəcək, cümlələr. Qorxmayın, bu sizin xeyirinizədir. Daha dərin düşünmək və özünüzü dərk etmək diləyi ilə.
Camal Zeynaloğlu. " Snayper qız". Müharibə mövzusunda gözəl əsərlər müəllifi C.Zeynaloğlunun bu yeni kitabı Qarabağ savaşında vətəni, torpağı, dövləti uğrunda döyüşən Azərbaycanın cəsur, mərd, qəhrəman oğullarına həsr edilmiş povest, hekayə və esselərdən ibarətdir.
Şirin Xanım Kərimbəyli Şadiman. “Tək yaradana gümanım”. Şeirlər, nəzm əsərləri - hekayələr, publisitik məqalələr toplusu. Bu yeni kitabında da istedadlı qələm sahibinin maraqla oxunan aktual ədəbi-publistik yazıları yer alıb.
"Qafqaz xalqlarının milli geyimləri". Rəssam-litoqraf K.P.Beqqrovun yaradıcılığında. (Hazırlayanı: Emil Kərimov). "Национальный костюм народов Кавказа". В творчестве художника-литографа К.П.Беггрова. ( Эмиль Керимов), (Rusca). Kitab aztanınan alman mənşəli rəssam-litoqraf Karl Petroviç Beqqrovun (1799-1875) yaradıcılığına həsr olunmuşdur. Onun Qafqazda, o cümlədən Azərbaycanda yaşamış xalqların milli geyimlərini əks etdirən, 1822-ci ildə Sankt-Peterburqda çap olunmuş 30 rəngli rəsmdən ibarət albomunun oxuculara təqdim olunan bu reprint nəşri XIX əsrin əvvəllərində həmin xalqların məişəti və mədəniyyəti haqqında əyani təsəvvür yaradır və böyük etnoqrafik maraq kəsb edir.
Эмиль Керимов, Парвин Аханчи. "Огнепоклонство". Emil Kərimov, Pərvin Ahənçi. "Atəşpərəstlik". Emil Kerimov, Parvin Ahanchi. "Fire-worshiping" İn the Context of Zoroastrianism and Hinduism. Araşdırma. (Rus dilində). Kitab tarixi-etnoqrafik metod əsasında qədim dini-fəlsəfi etiqadlara-atəşpərəstliyə və zərdüştlüyə həsr olunmuşdur. Əsərdə Hindistan, İran və Azərbaycanda geniş yayılmış bu ayinlər işıqlandırılır. Hər üç ölkənin etnomədəni əlaqələrində oxşar və fərqli cəhətlərin formalaşmasında zərdüştlüyün və hinduizmin aparıcı rol oynaması xüsusilə qeyd olunur.
Zaur Ustac. "Usubcan əfsanəsi" (Məqalələr. I toplu). Bu kitabda Zaur Ustacın müxtəlif elektron kütləvi informasiya vasitələrində dərc olunmuş, olduqca fərqli mövzuları əhatə edən məqalələri toplanmışdır.
Firuzə Məmmədli. “Seçilmiş əsərləri”. Səkkizinci cild. Şeirlər toplusu. B yeni e-kitaba tanınmış şairə-publisist, filoloq alim F.Məmmədlinin son illər yazdığı poetk əsərlər daxildir.
Camal Zeynaloğlu: "Cəsur kəşfiyyatçı, igid partizan". Sənədli-bədii əsər. Kitab Böyük Vətən müharibəsi illərində Ukrayna torpağında gizli partizan hərəkatında fəal iştirak edən, misli görünməmiş qəhrəmanlıqlar göstərmiş, alman faşistlərinə qan uddurmuş istedadlı aktyor, cəsur kəşfiyyatçı, igid partizan Xanlar Salman oğlu Babanlının həyat və keçdiyi döyüş yollarından bəhs edir.
Damət Salmanoğlu. "Ömür-gün qatarı" (Şeirlər toplusu). Güney bölgəsində - Masalıda yaşayan cavan müəllifin bu ilk kitabında müxtəlif illərdə qələmə aldığı şeirlər toplanıb. Yeni kitabda oxuculara təqdim olunan şeir nümunələri məzmun etibarı ilə şərti olaraq “Zaman və mən”, “İman işığında” və “Sevgi yarpaqları” hissələrinə bölünüb.
