Dədə Qorquddan gəlib Qurbanidən, Asıq Abbasdan, Sarı Asıqdan, Asıq Ələsgərdən keçən yolun böyük bir zirvəsi xalq şairi Səməd Vurğundur. O, elə xosbəxt sənətkarlardandır ki, ömrü yaratdıgı şeir, həyatı danışdıgı dil qədər yaşarıdır. Səməd Vurğunun "Seçilmis əsərləri"nin bu cildində qüdrətli sairin 1924-1937-ci illərdə yazdığı şeirlər toplanmışdır.
Əsrin Şərq və dünya şeir prosesi məcrasında Azərbaycanı Bəxtiyar Vahabzadənin poetik söz dünyası ləyaqətlə təmsil edir. Oxuculara dəyərli hədiyyə olan bu kitabda xalq şairinin seçilmiş şeirləri toplanmışdır.
"Xarici ədəbiyyat" bədii-filoloji tərcümə yazılarından -ş dünya ədəbiyyatının ən görkəmli nümayəndələrinin Azərbaycan dilinə çevrilmiş əsərlərindən ibarət toplu "e-Dalğa" Şəbəkə Kulturoloji-ədəbi Dərginin üçüncü sayını təşkil edir. Qloballaşan dünya bədii-kulturoloji düşüncəsinin çox maraqlı məhsulları - poeziya nümunələri, hekayə, fəlsəfi esse, kiçik roman, pyes və məqalələrdən ibarət bu əsərlərin böyük qismi orijinaldan, özü də ana dilimizə ilk dəfə, peşəkar mütərcimlər tərəfindən tərcümə edilib...
Tanınmış şair Saday Şəkərlinin "Ömrün yorğun kölgəsi" adlı yeni şeirlər və poemalardan ibarət poetik toplusuna onun yazdığı poetik əsərlər daxil edilib.
Erix Mariya Remark "Zəfər tağı". Avstriyanın dünyaşöhrətli tanınmış anti-faşist yazıçısının maraqlı bədii əsəri. Romanı alman dilindən Vilayət Hacıyev tərcümə edib
Oskar Uayldın bütün həyat və yaradıcılığında qəbul olunmayan məqamlar və dəyərlər olsa da, onun yaradıcılığı və sənətkarlıq xüsusiyyətləri 20-ci əsrin Avropa ədəbiyyatı üçün qiymətli idi və vaxitlə İngiltərənin qəbul etmədiyi dəyərləri (məsələn, Salvador Dalinin həyat tərzi kimi) bu gün Avropa müdafiə edir. Bütün bunlara baxmayaraq, Oskar Uayldın uşaqlar üçün yazdığı nağıllar bu gün də maraqla oxunur. Yazıçının məşhur "Həqiqi Dost"( The Devoted Friend , 1888) adlı nağılını orijinaldan Kamran Nəzirlinin tərçüməsində təqdim edirik.
Kitabda müəllifin o taylı - bu taylı Azərbaycanın milli dərdləri və insan haqları ilə bağlı müxtəlif illərdə yazdığı hekayə, esse, povest janrında bədii əsərləri toplanmışdır. Kitabı hamının oxumasını arzu edən müəllif, uşaqların və gənclərin oxumasını vacib bilir. Bununla da o istəyir ki, uşaqlar və yeniyetmələr Azərbaycanımızın düşdüyü durumdan çıxış yolunu axtarıb tapmaqda fəal olsunlar. Həm də o istəyir ki, Bütöv Azərbaycanın yaranmasının bu gün onların necə düşünüb, necə yaşamalarından asılı olduğunu unutmasınlar.
Azərbaycan ədəbiyyatının tanınmış nümayəndəsi, romantik yazıçı Abdulla Şaiqin "Seçilmiş əsərləri" (üç cilddə) III cildinə ədibin uşaqlar və gənclər üçün yazdığı şeirlər, poemalar, hekayələr, təmsillər və pyeslər daxil edilib. Bu əsərlər azərbaycan uşaq ədəbiyyatının dəyərli nümunələri hesab olunur və müxtəlif nəsil uşaqları tərəfindən sevilə-sevilə oxunur...
Amerika romantiziminin görkəmli nümayəndəsi Ceyms Fenimor Kuperin "Sonuncu mogikan" romanı dünya macəra ədəbiyyatının şah nümunəsi sayılır. Şimali Amerikanın avropalılar tərəfindən zəbt edilməsi, hindu aləmi, vəhşi dünya kimi ekzotik yerləri yazıçı tərəfindən çox gözəl təsvir olunub.
Vəsaitdə ion və plazma mənbələrinin işinin əsasında duran fiziki proseslər, habelə onların quruluşları və funksional parametrləri nəzərdən keçirilir. İon dəstələrinin və vakuumda qalıq qazın tərkibinin kütlə analizi metodları təsvir edilir. Kitab məzmunu və inşa edilmə səviyyəsinə görə fiziki elektronika sahəsində çalışan elmi əməkdaşlar üçün nəzərdə tutulmuşdur, habelə uyğun iхtisaslı aspirant və maqistrlara tövsiyə edilə bilər.
"Biri vardı, biri yoxdu..." ilə başlayan möcüzəli əsərlər... Azərbaycan xalq nağılları dünya və Şərq nağıllarının ən dəyərli nümunələrindən sayılır. Bu beşcildlikdə indiyə qədər toplanmış nağıllarımız sizlərə təqdim edilir.
K.Nəzirli "Sevgi nağılı"(1991), "Doğmalar arasında" (1995), "Şeytan işığı"(2004), "Komada olan adam" (2007) və s. bədii nəsr kitablarının müəllifidir. Onun hekayələri Amerikada, Hollandiyada,Türkiyədə, Koreyada, Özbəkistanda, Ukraynada və s.ölkələrdə çıxan müxtəlif almanax və jurnallarda dərc olunmuş, beynəlxalq internet saytlarında yer almışdır. K.Nəzirli Azərbaycanda dünya klassiklərinin müxtəlif əsərlərini, habelə elmi-publisistik və ictimai-siyasi ədəbiyyatları ingilis dilindən birbaşa çevirən peşəkar tərcüməçilərdən biridir. Müəllifin yeni kitabına müxtəlif illərdə yazdığı hekayələr daxil edilmişdir.
Sağlam və gözəl dəriyə sahib olmağın 7 şərti... Nənələrin saxladığı uşaqlar gonbul olurlar... Şokolad iflic olmaq riskini azaldır... Bakıya gələn yoqun dəhşətli sirri
