Bu tоpludа Şаhbuz rаyоnundаn tоplаnmış fоlklоr nümunələrinin müəyyən hissəsi vеrilmişdir. Fоlklоrun müxtəlif jаnrlаrınа аid bu nümunələrdə xаlqımızın mifik dünyаgörüşü, inаmlаrı, аdət-ənənələri öz əksini tаpmışdır. Xаlqın yаddаşındа yаşаyаn bu nümunələr dünyаnın və xаlqımızın mənşəyi, təbiət hаdisələrinin, müxtəlif sоsiаl-psixоlоji prоsеslərin mаhiyyətini аydınlаşdırmаğа kömək еdir.
Çağdaş Azərbaycan poeziyasının görkəmli nümayəndəsi Əli Kərimin bu kitabına şairin müxtəlif illərdə qələmə aldığı şeir və poemaları toplanmışdır. Əli Kərimin əsərlərində təzəlik, poetik duyum, səmimiyyət, doğma torpağa bağlılıq başlıca yer tutur.
Tanınmış yazıçı-publisist, tərcüməçi Əlibala Hacızadənin "Seçilmiş əsərləri"nin (On cilddə) dördüncü kitabına müəllifin sevdiyi, vaxtilə qızların ən çox oxuduğu "Ayrılığın sonu yoxmuş" romanı daxil edilib.
ELÇİN. «Seçilmiş əsərləri» (On cilddə). Üçüncü Kitab. Xalq yazıçımızın bu kitabında əsasən müxtəlif illərdə qələmə aldığı kiçikhəcmli pyeslər, oxunaqlı səhnə əsərləri daxil edilib. Modern Azərbaycan teatrının inkişafında mərhələyə çevrilən bu pyeslər yüksək sənətkarlıq nümunələri hesab olunur.
Bu kitabda Azərbaycanın xalq şairi Məmməd Arazın bir şair ömrünün müxtəlif dövrlərini əhatə edən əsərlərindən seçmələr toplanmışdır. Canlı müşahidələrin təsiri ilə qəlbin yaddaşına yazılan bu əsərlərin iki təməl daşı var: doğma təbiətə vaqiflik və ana dilinin bütün incəliklərinə bələdlik.
Azərbaycan teatr tarixi milli teatrşünaslıq elmimizdə ilk dəfə belə monumental və fundamental şəkildə araşdırılıb. Müəllif kökü eramızdan əvvəllərə gedib çıxan xalq oyun-tamaşalarından tutmuş çağdaş teatr prosesinə qədər böyük bir dövrü əhatə edib. Kitabda həmçinin Tiflis, İrəvan, Aşqabad və Təbriz şəhərlərində fəaliyyət göstərmiş Azərbaycan teatrlarının tarixi də bölmə-bölmə araşdırılıb. Onlarla dramaturqun və teatr xadiminin yaradıcılıq portret-oçerkləri zəngin faktlarla işlənilib.
AMEA Nəsimi adına Dilçilik İnstitutunun rəsmi nəşri. Azərbaycan Respublikasının Nazirlər Kabinetinin 5 avqust 2004-cü il tarixli qərarına əsasən nəşr olunub və 18 000 yeni söz əlavə edilib. Azərbaycan dilinin orfoqrafiya qaydalarına uyğunlaşdırılıb.
XX əsr Azərbaycan ədəbiyyatında fəxri yerlərdən birini tutan Mir Cəlal qiymətli hekayə və romanlar müəllifi kimi tanınmışdır. Ədibin güldürə-güldürə düşündürən, bir-birindən gözəl və mənalı onlarca əsəri ədəbiyyatımızın qızıl fonduna daxil olmuşdur. Təqdim olunan kitabda görkəmli yazıçının seçmə hekayələri və "Açıq kitab" romanı toplanmışdır. İdeya-bədii məqsədi, fikir qayəsi həmişə aydın və işıqlı olan müəllifin bu hekayələrində həyatın dərin qatlarına enilir, köhnəliklə yeniliyin mübarizəsi, inkişafa mane olanların tənqidi önə çəkilir.
