"Yazarlar" jurnalı. N 4 - 2021. Dərginin bu sayında Azərbaycan ədəbiyyatına geniş yer verilib, müxtəlif ədəbi nəslin nümayəndələrinin yaradıcılığı işıqlandırılır.
Nurlana İşıq. "Şlyapalı dayanacaq". Hekayələr kitabı. Nurlana İşıq- Nurlana Ümudvar qızı Məmmədova 20 oktyabr 1985-ci ildə Bakı şəhərində anadan olub. Ali təhsillidir, ixtisasca filoloqdur. Hazırda Xırdalan şəhəri 2 saylı tam orta məktəbində Azərbaycan dili və ədəbiyyat müəllimi işləyir. Ədəbi mühitdə uşaq ədəbiyyatı yazıçısı kimi tanınır. 2018-ci ildə “Su” adlı ilk kitabı işıq üzü görmüşdür. “Şlyapalı dayanacaq” adlı hekayəsi Nur İşıq təxəllüsü ilə Türkiyədə və İraqda çap olunmuşdur. "Ulduz" və "Mücrü" dərgilərində nağılları və hekayələri çap olunub.
Aqşin Əliyev. "Masallının tarix və mədəniyyət abidələri - ziyarətgahlar". Tarixi-publisistik kitab. Kitabda Masallı rayonunun tarix abidələri və ziyarətgahları haqda geniş məlumat verilmişdir. Əsas xətt etibarı ilə Masallı rayonu ərazisində yerləşən qədim qalalar, qədim qəbiristanlıqlar, qədim mağaralar, qalaçalar, kurqanlar, nekropollar, məscidlər, hüseyniyyələr, yaşayış məskənləri, ləmlər, bulaqlar, hamamlar, qoç fiqurları, körpülər və yaşayış evləri haqda ensiklopedik məlumat öz əksini tapmışdır. “Masallının tarix abidələri və ziyarətgahları” kitabı, adından da göründüyü kimi, ancaq Massallı rayonundakı tarixi abidələr və ziyarətgahlara həsr olunmuşdur.
Natiq Əliyev. "Heydər Əliyev fenomeni və ordu quruculuğu". Elmi-publisitik kitab. Cavan hərbiçi-zabit və şair N.Əliyevin Ümummilli Liderimiz Heydər Əliyevin ordu quruculuğuna həsr olunmuş araşdırması.
“Qarabağ bülbülləri – 50″: “Yaralı səs”. Bu toplu Azərbaycan Respublikasının Gənclər Fondunun maliyyə yardımı ilə Yeni Yazarlar və Sənətçilər İctimai Birliyi tərəfindən həyata keçirilən “Qarabağ bülbülləri – 50″: “Yaralı səs” – Vətənpərvərlik mövzusunda sənədli film çəkilişi və kitab nəşri” layihəsi çərçivəsində hazırlanmışdır.
Şirin xanım Kərimbəyli Şadiman. "Ömür yükü". Poetik toplu. Şirin xanım Azərbaycan ədəbiyyatında öz dəsti xətti olan sənətkarlardan biridir. Onun yaradacılığı təkcə Vətən məhdudiyyətində qalmır. O, öz ürəklər fəth edən yaradıcılığı ilə çoxdan Azərbaycan sərhədlərini aşıb. Dünyanın harasında bir ağrı-acı varsa, Şirin xanımın ilhamlı qələmi orda olur və o ağrıları nəzmə çəkir. Şair istər şeiriyyəti, istərsə də publisist düşüncələri ilə oxucu ürəyini riqqətə gətirən sənətkardır.
Aqşin Əliyev. "Bəhramnamə". I Hissə. "Babər qalası". Tarixi-bədii roman. Kitabda ərəblərin İran, Əfqanıstan, Tacikistan, Azərbaycan və Taleşana yürüşü əks olunub. “Bəhramnamə” kitabında, adından da göründüyü kimi, o dövrdə Sasanilər imperiyasının ərazilərindən biri olan Taleşanın Babər qalasının hakimi Bəhram Fərruxzadın azadlıq mübarizəsi əks olunmuşdur.
"Yazarlar" jurnalı. N 3 - 2021. Dərginin bu sayında da Azərbaycan ədəbiyyatına geniş yer verilib, müxtəlif ədəbi nəslin nümayəndələrinin yaradıcılığına yer verilib.
“Ədəbi körpü”. Aylıq ədəbi e-dərgi. 29-cu sayı. İranda - Güney Azərbaycanda hazırlanaraq yayımlanır və aylıq ədəbi elektron dərginin bu yeni sayında o taylı-bu taylı müxtəlif düşüncəli yaradıcı adamlarımızın ədəbi-bədii nümunələri verilib.
Nemət Mətin. "Ədəbiyyat və kütlə". Publistik-bədii toplu. Gənc yazıçı-publist Nemət Mətin ədəbi mühitdə iki kitabı ilə tanınıb: "Ədəbiyyat və kütlə", "Sonuncu uçuş". İlk kitabı ictimai, siyasi, ədəbi problemlərə aid məqalələr və bir hekayədən ibarətdir.
Айдын Гаджиев. "Все понять, но не все простить" (Воспоминания и размышления о Назиме Гаджиеве). Aydın Hacıyev. "Hər şey aydındır, amma hamını bağışlamaq olmur". (Nazim Hacıyev haqqında xatirələr və düşüncələr). Rus dilində...
Ayətxan Ziyad. "Zaur Ustacın uşaq dünyası". Azərbaycan Yazıçılar və Jurnalistlər Birliklərinin üzvü, yazıçı-jurnalist,tədqiqatçı Ayətxan Ziyad "Gülüzənin şeirləri" kitabını tədqiqat müstəvisinə çıxardaraq Zaur Ustacın uşaq dünyasına səyahət edir. Müəllif Zahid Xəlil və Zaur Ustac yaradıcılığında paralellər apararaq, vəsait istifadəçilərinə tövsiyələr verir.
