Yaqub Mahmudov. "Azərbaycan: qısa dövlətçilik tarixi"
Elmi-populyar nəşr
Bakı - 2005
"Təhsil" Nəşriyyatı
E-mənbə / link: http://www.azerbaycanli.org/files/dovtar.pdf
Qısa Avtobioqrafiya
MAHMUDOV YAQUB MİKAYIL oğlu
Qədim dünya və orta əsrlər tarixi kafedrasının müdiri, AMEA-nın müxbir üzvü, professor, əməkdar elm xadimi
QISA BİOQRAFİK MƏLUMAT
- 1939-cu ildə Şəki rayonunun Baş Göynük kəndində doğulmuşdur.
- 1956-cı ildəBalakən rayonu Srıbulaq orta məktəbini bitirmişdir.
TƏHSİLİ, ELMİ DƏRƏCƏ VƏ ELMİ ADLARI
- 1962-ci ildə Bakı Dövlət Universitetinin arix fakültəsini fərqlənmə diplomu ilə bitirmişdir.
- 1966-cı ildə aspiranturanı başa vurmuş və "Ağqoyunlu dövlətinin Venesiya Respublikası ilə qarşılıqlı əlaqələri (XV əsrin 60-70-ci illəri)" mövzusunda namizədlik dissertasiyası müdafiə etmişdir.
- 1989-cu ildə M.V.Lomonosov adına Moskva Dövlət Universiteti Tarix fakültəsinin Elmi Şurasında "Ağqoyunlu və Səfəvi dövlətlərinin Qərbi Avropa ölkələri ilə qarşılıqlı əlaqələri (XV əsrin II yarısı-XVII əsrin əvvəlləri)" mövzusunda doktorluq dissertasiyası müdafiə etmişdir.
ƏMƏK FƏALİYYƏTİ
- 1966-1981-cı illərdə Azərbaycan Ensiklopediyasında elmi redaktor, böyük elmi redaktor, Ümumi tarix və Azərbaycan tarixi redaksiyalarının müdiri, Ensiklopediyanın elmi işlər üzrə Baş redaktor müavini, Azərbaycan Dövlət Pedaqoji Universitetinin baş müəllimi və dosenti vəzifələrində çalışmışdır.
- 1981-ci ildə Bakı Dövlət Universitetində Qədim dünya və orta əsrlər tarixi kafedrasının açılması ilə həmin kafedrada dosent vəzifəsində işə dəvət olunmuşdur.
- 1983-cü ildə Universitetin Qədim dünya və orta əsrlər tarixi kafedrasının müdiri vəzifəsini icra etmişdir.
- 1985-1986-cı illərdə Universitetin Tarix fakültəsinin dekan müavini işləmişdir.
- 1986-cı ildə Tarix fakültəsinin dekanı seçilmişdir.
- 1990-cı ilin noyabrında Tarix fakültəsinin xalq hərəkatında fəal iştirak edən bir qrup tələbəsinin universitetdən xaric olunmasına etiraz əlaməti olaraq dekan vəzifəsindən istefa vermişdir.
- 1990-cı ildə professor elmi adı almış, Qədim dünya və orta əsrlər tarixi kafedrasının müdiri seçilmişdir. İndiyədək həmin kafedraya rəhbərlik edir.
- 1992-1993-cü illərdə Azərbaycan Respublikası Ali Attestasiya Komissiyası sədrinin müavini, "Azərbaycan Ensiklopediyası" Nəşriyyat-Poliqrafiya Birliyinin baş direktoru işləmişdir.
- 1994-cü ildə Qədim dünya və orta əsrlər tarixi kafedrasının müdiri vəzifəsində qalmaqla yenidən Universitetin Tarix fakültəsinin dekanı seçilmiş və 2004-cü ilədək həmin vəzifədə fəaliyyət göstərmişdir.
- 2004-cü il oktyabrın 13-dən Azərbaycan Milli Elmlər Akademiyası Tarix İnstitutunun direktorudur.
- 2000-ci ilin 5 noyabrında Azərbaycan Respublikasının Milli Məclisinə (II çağırış) deputat seçilmişdir.
- 2005-ci ilin 6 noyabrında yenidən Azərbaycan Respublikasının Milli Məclisinə (III çağırış) deputat seçilmişdir.
- 2007-ci ildən AMEA-nın müxbir üzvüdür.
- Yusif Məmmədəliyev, Rəsul Rza, «Qızıl qılınc», «Qızıl qələm» mükafatları laureatıdır.
- Azərbaycan Respublikasının Əməkdar Elm xadimidir.
- Azərbaycan Respublikasının "Şöhrət" ordeni ilə təltif olunmuşdur.
BEYNƏLXALQ SEMİNAR, SİMPOZİUM VƏ KONFRANSLARDA İŞTİRAKI
- Türkiyə, ABŞ, Rusiya, Yunanıstan, İran, Koreya (Cənubi Koreya), Səudiyyə Ərəbistanı, İraq, İsveçrə, Belçika, Şimali Kipr Cümhuriyyəti, Pakistan, Xorvatiya, Filippin, İsveç, Macarıstan və b. ölkələrin müxtəlif şəhərlərində (Ankara, İstanbul, Vaşinqton, Nyu-York, Moskva, Sankt-Peterburq, Kiyev, Afina, Tehran, Seul, Hoseo, Pusan, Kayseri, Təbriz, Zəncan-Sultaniyyə, Vladimir-Suzdal, Bağdad, Cenevrə, Brüssel, Manila, Stokholm, Budapeşt və s.) keçirilən beynəlxalq simpoziumlarda iştirak və çıxışlar etmişdir.
- Ölkə üzrə tarix ixtisası sahəsində Dissertasiya Şurasının, Təhsil Nazirliyi Elmi-Metodik Şurası Tarix bölməsinin, Tələbə Qəbulu üzrə Dövlət Komissiyasında Tarix fənni üzrə elmi-nəzəri seminarın sədridir.
SEÇİLMİŞ ƏSƏRLƏRİ
- "Səyyahlar, kəşflər və Azərbaycan" (1985)
- "Ağqoyunlu dövründə Azərbaycan-Avropa qarşılıqlı əlaqələri (XV əsrin II yarısı)" (1986)
TƏDRIS-METODIKI IŞLƏRI
- Orta əsrlər tarixi (1989)
MONOQRAFİYALAR
- "Öyrənilməmiş səhifələr" 1972
- "Səyyahlar Azərbaycanda" 1977
- "Odlar ölkəsinə səyahət" 1980
- "Ağqoyumlu və Səfəvi dövlətlərinin Avropa ölkələri ilə münasibətləri (XV əsrin II yarısı- XVII əsrin əvvəlləri)" 1991
- "Azərbaycan Xalq Cümhuriyyətinin Ensiklopediyası"(Y.M.Mahmudovun baş redaktorluğu ilə). Bakı 2004
