Mir Cəlal Paşayev adına Milli Virtual Kitabxana

Məhəmməd Məhəmmədi Reyşəhri

"İslamda məscid mədəniyyəti"

 Fars dilindən tərcümə: Əfzələddin Rəhimov

Milli-mənəvi dəyərlərimizdən biri olan məscidlər, təkcə axirətimiz üçün deyil, gündəlik həyatımızda da, düzgün istifadə edildiyi zaman bir çox inkarolunmaz faydalara malikdir. Məsumların (ə) göstərişlərinə düzgün və məsuliyyətli şəkildə yanaşılarsa, insani hisslərin aşılandığı bu müqəddəs məkanda insanlar bir-biriləri ilə çox rahat formada ünsiyyət yarada və qaynayıb-qarışa bilər. Qardaşlıq prinsipi əsasında rəftar etməyin zərurətinin çatdırıldığı bu müqəddəs məkanda, insanlara bir-birilərinin qeydinə qalmaq, qəm-qüssəsini aradan qaldırmaq, cəmiyyətdə bir fərd kimi qarşı tərəfin hüquqlarını riayət etmək və sair ilahi tövsiyələr verilir.