Ağasəlim Pünhanoğlu. "Azərbaycan və dünya musiqi sənətindən". Elmi-kütləvi məqalələr toplusu. Görmə problemləri olan gənc sənətşünasın ilk kitabının elektron variantı...
Elman Tovuz “101 qoşma” . Poetik toplu. Tanınmış şair Elman Tovuz “101 qoşma” kitabıyla növbəti dəfə görüşünüzə gəlib. Bu kitabda, adından da məlum olduğu kimi, 101 qoşma toplanıb. Topluya vaxtilə dərc olunmuş şeirlərdən də daxil edilib.
Dadaş Məmmədov. Söhrab Salamzadə. "Komikslər - Mədəniyyətlə dünyanı dəyiş". Kitabın başlıca məqsədi diqqəti mədəniyyət və yaradıcılıq sahələrinin potensial imkanlarına, o cümlədən, bu sektorda mövcud olan problemlərə yönəltməkdən, Azərbaycanda yaradıcılıq sahələrinin inkişafının əsas mərhələlərini müəyyən etməkdən ibarətdir.
Yaşar Bünyad. "İblisin busəsi". Roman. Yaşar Bünyadın “İblis busəsi” romanının mövzusu təlatümlü 80-90-cı il hadisələrinə və bu ağır dövrün min cür məhrumiyyətlərlə üzləşmiş talesiz insanlarına həsr olunub.
"Fəzanın cazibəsi" - Çağdaş Quzey Arxangelsk poeziyası. Antologiya. "ПРИТЯЖЕНИЕ ПРОСТРАНСТВА" - Современная поэзия Архангельского Севера. Azərbaycan və rus dillərində. Mütərcimlər arasında əngəlli yaradıcı cavanlar da var.
Yaşar Bünyad. "Miqrant" - Hekayələr toplusu. Kitabda yazıçının 7 hekayəsi çap olunub. Mətnlərdə qabarıq yazıçı səmimiyyəti var, latayır jarqonlardan istifadə tam yerindədir – bazarın atmosferinə uyğundur. Təhkiyə şirindir, ifadələr şirəlidir, mətndə boşluq yoxdur, dadlı məcaz, baməzə ironiya mətn boyu adamı şirnikdirir və sonluğa doğru çəkir. Paraqraflarla mətnin xronoloji idarəsi, zaman-məkan keçidləri ustaca qurulub.
Byörnstyerne Martinus Byörnson. "Redaktor". Pyes. Azərbaycan dilinə tərcümə: İ.Hacızadə. Norveçin Nobel mükafatlı yazıçısının insanları motivə edən maraqlı dram əsəri.
Şövkət Zərin Horovlu. "Seçilmiş əsərləri". Üç cilddə. III cild. Sağlamlığında böyük problemlər olan, fəqət yaradıcılığıyla hər kəsi heyrətləndirən, kreativ gənclərin milli-mənəvi dəyərlərlə kökləməyə çalışan istedadlı xanım şairin yeni kitabı. Tanınmış qadın şairin bu kitabına müəllifin seçilmiş şeirləri və poemaları daxil edilib. Əsərlərində həmişə olduğu kimi Qarabağ problemi qabardılır, düşmənlərlə mübarizəyə çağırışlar səslənir və vətənpərvərlik hissləri aşılanır...
Şəfa Vəli. “Poçtalyona məktub”. (Poetik toplu). Gənc şairənin bu kitabında Şəfanın başdanbaşa sevgi rəngli taleyinin şeirləri toplanmışdır. Başqa sözlə desək Şəfanın bütün yaradıcılığına sevgi rəngli taleyinin həzin bir qəmlə süslənmiş melodik ritmləri hopmuşdur...
Rövşən Yerfi. "Müqəssir". Roman. Təqaüddə çıxmış ədliyyə qulluqçusu, tanınmış yazıçı-publisitin bu yeni romanı cəmiyyətimizdə ictimai problemə çevrilmiş, ailə faciələrindən - erkən nigah, qısqanclıq və qətldən bəhs edən həyat hekayətidir. Həm mövzusuna, həm də yazı tərzinə görə, əsərin çağdaş ədəbiyyatımızda mühüm bir hadisə olduğuna inanırıq.
Şövkət Zərin Horovlu. "Seçilmiş əsərləri". Üç cilddə. II cild. Sağlamlığında böyük problemlər olan, fəqət yaradıcılığıyla hər kəsi heyrətləndirən, kreativ gənclərin milli-mənəvi dəyərlərlə kökləməyə çalışan tanınmış qadın yazıçının bu kitabına müəllifin "Tale yolu" romanı, "Əbədiyyətə qədər" povesti daxil edilib... Əsərlərində həmişə olduğu kimi Qarabağ problemi qabardılır, düşmənlərlə mübarizəyə çağırışlar səslənir və vətənpərvərlik hissləri aşılanır...
Tofiq Xəzər. "Bərdədən görünən dünya". Roman-epopeya. 16 cilddə. II hissə. IX cild. Azərbaycan və çağdaş dünya ədəbiyyatında bir ilk olaraq 16 cilddə qələmə alınmış bu roman-epopeya XX və XXI əsr Azərbaycan mənəviyyatının ədəbi ensiklopediyasıdır.
