Füzuli Yavər. "Olesya".Magiya teatrı üçün daha bir pyes. A.Kuprinin ölməz "Olesya" povestiəsasında işlənmiş iki hissəli dram. Bu povest əsasında dəfələrlə bədii film çəkilib, səhnə əsərləri, hətta balet tamaşaları da hazırlanıb. "Olesya" ya qarşı marağın ildən-ilə artması bu əsərin ruhundakı izahedilməz magiyadadır.
Füzuli Yavər. "Talisman, yaxud Fəlakətlər gecəsi". (Bir az magik, bir az dramatik, qeyri-adi bir əhvalat). İki hissəli pyes. Bir qədər erotik, bir qədər magik, bir qədər realizmdən də o yana-naturalist, bir az simvolik, fantastik, psixoloji, postmodernist, üç nəfərin iştirakı ilə...
Füzuli Yavər. "Bülbül yuvası" (bir pərdəli psixoloıi, detektiv pyes). Məşhur detektiv yazar Aqata Kristinin "Bülbül Kotteci" hekayəsi əsasında işlənmiş bu səhnə əsərində çox psxoloji, gərginliklə, sirlə dolu maraqlı bir əhvalat təsvir olunur. Gənc qadın Eleks bir gün xəbər bilir ki, sevərək ərə getdiyi kişi Cerald heç demə axtarışda olan məşhur bir qatil imiş. O, evləndiyi qadınları bir müddət keçincə qətlə yetirib zirzəmidə basdırırmış. Bu gecə də Eleksin növbəsi imiş... Eleks bu vəziyyətdən qurtula bilirmi? Qurtulursa necə qurtulur?.. Finalı oxucu böyük həyəcanla, təlaşla gözləyir...
Füzuli Yavər. "Robinzon adasında Yeni l şənliyi" (Uşaqlar üçün pyes). Yeni il şənliyi üçün əyləncəli, bir pərdəli, iki şəkilli pyes. Yeni il şənliyinə qonaq kimi dəvət edilmiş amerikan məktəbliləri təyyarə qəzasına uğrayaraq uzaq, tənha bir adaya çıxırlar. Burda onlar maraqlı macəralarla qarşılaşırlar. Fantaziya-detektiv
Xanlar Həmid. "Babək Xürrəmi". Mənzum tarixi faciə. Azərbaycan xalqının igid sərkərdəsi, tarixdə ilk dəfə qırmızı bayraq qaldıran məşhur Babəkin şərəfli mübarizəsinə həsr olunmuş pyes...
